८५ टक्के आध्यात्मिक पातळीच्या पुढे संतांचा देह निर्गुणाकडे जाऊ लागतो. त्यामुळे त्यांच्या देहातून सर्व बाजूंनी चैतन्याचे प्रक्षेपण चालू होते, म्हणजेच दशदिशा व्यापून कार्य होऊ लागते. – श्रीचित्शक्ति (सौ.) अंजली मुकुल गाडगीळ
‘इतरांच्या आनंदात आपण सहभागी व्हायला हवे. आपल्या इच्छा इतरांवर लादण्यापेक्षा इतरांच्या इच्छेप्रमाणे वागणे आणि त्यांच्या आनंदाशी एकरूप होण्यातील आनंद काही वेगळाच आहे.’ – श्रीचित्शक्ति (सौ.) अंजली मुकुल गाडगीळ
प्रत्येक गोष्टीचा प्रार्थना करून लाभ करून घेता आला पाहिजे. प्रार्थना म्हणजे देवाची आठवण. प्रार्थना ‘मी’पण विसरायला लावते. – श्रीचित्शक्ति (सौ.) अंजली मुकुल गाडगीळ
‘अध्यात्म’ हे प्रायोगिक शास्त्र आहे. केवळ वाचून देव मिळवता येत नाही. कित्येक जण केवळ पोथीची पारायणे करतात; परंतु ‘पोथीत संतांनी सांगितलेल्या सुवचनानुसार आपण प्रत्यक्ष जीवनात वागत आहोत ना ?’, याचा कुणीच विचार करत नाही. संतांच्या विचाराप्रमाणे देव जीवनात उतरवावा लागतो, तरच प्रगती होते. नाहीतर अनेक वर्षे पोथीवाचन करूनही प्रगती होत नाही. – श्रीचित्शक्ति सौ. अंजली … Read more
‘काळाला अनुसरून काय करायचे ?’, हे केवळ गुरूंनाच ज्ञात असते; म्हणून आपण केवळ गुर्वाज्ञापालन करावे. बुद्धीने काळाला तपासून पहाण्याचा प्रयत्न करू नये; कारण काळाचे गणित सर्वस्वी निराळे असते. ते भल्याभल्यांना आपल्या प्रवाहात ओढून घेते. विचित्र काळगतीच्या प्रवाहातून गुरुच आपल्याला वाचवतात आणि आपल्याला गुरुगतीत सामावून घेतात, म्हणजेच त्यांच्या सत्संगात ठेवतात. – श्रीचित्शक्ति (सौ.) अंजली मुकुल गाडगीळ
‘आपला भाव आणि भावना यांवरच ‘आपला आजचा दिवस कसा व्यतीत होणार ?’, हे अवलंबून असते; म्हणूनच अखंड देवाच्या अनुसंधानात रहाण्याचा प्रयत्न करावा. भावना तुम्हाला मायेत ओढतात, तर भाव देवाच्या जवळ नेतो.’ – श्रीचित्शक्ति (सौ.) अंजली मुकुल गाडगीळ
‘सेवेतून आपोआपच आत्मज्ञान होते; कारण सेवेमुळे अंतर्यामी गुरुतत्त्व जागृत होते. हे गुरुतत्त्वच साधकाचा सर्व कार्यभार उचलते. एकदा का अंतर्यामी गुरु जागृत झाले की, पोथ्यांची वेगळी पारायणे करावी लागत नाहीत’. श्रीचित्शक्ति (सौ.) अंजली मुकुल गाडगीळ
‘व्यवहारामध्ये संपत्ती आणि मानसन्मान मिळवण्यासाठी खूप मेहनत घ्यावी लागते. याउलट साधना करतांना स्वतःचे तन, मन आणि धन हे केवळ अर्पण करायचे असते. काही तरी मिळवण्यापेक्षा देणे सोपे असते. त्यामुळे व्यवहारापेक्षा परमार्थ हा सोपा असतो.’ – सच्चिदानंद परब्रह्म डॉ. आठवले
‘अध्यात्म’ म्हणजे आत्म्याचे स्वरूप सांगणारे शास्त्र ! हे शास्त्र अनादी अनंत आहे. त्यामुळे त्याचा कितीही अभ्यास केला, तरी तो कमीच असतो. प्रत्यक्षात हे केवळ शब्दजन्य ज्ञान असल्यामुळे त्यातून केवळ आत्मा, ईश्वर, त्याचे कार्य करण्याची पद्धत यांसारख्या विषयांची तात्त्विक माहिती मिळते. त्याचा मूळ ईश्वरप्राप्तीसाठी खूप लाभ होत नाही. त्यासाठी प्रत्यक्ष साधना करणेच आवश्यक असते.’ – सच्चिदानंद … Read more
‘जसे आपण झाडाची पाने चांगली दिसतात; म्हणून त्यांना पाणी न घालता, झाडाच्या मुळांनाच पाणी घालतो. त्याचप्रकारे स्वतःच्या व्यक्तीमत्त्वामध्ये पालट करण्यासाठी केवळ बाह्यमन आणि बुद्धी यांना न सांगता अंतर्मनाला सूचना देणे आवश्यक असते. अंतर्मनाला सूचना देण्याची पद्धत सनातन सांगत असलेल्या ‘स्वभावदोष निर्मूलन आणि अहं निर्मूलन प्रक्रिये’त शिकवली जाते.’ – सच्चिदानंद परब्रह्म डॉ. आठवले