दत्त जयंती

मार्गशीर्ष पौर्णिमेच्या दिवशी मृग नक्षत्रावर सायंकाळी दत्ताचा जन्म झाला, म्हणून त्या दिवशी दत्ताचा जन्मोत्सव सर्व दत्तक्षेत्रांत साजरा होत असतो. दत्त जयंती या दिवशी दत्ततत्त्व हे पृथ्वीतलावर नेहमीच्या तुलनेत १००० पटीने कार्यरत असते. या दिवशी दत्ताची मनोभावे पूजा आणि नामजप केल्यास दत्त-तत्त्वाचा अधिकाधिक लाभ मिळण्यास साहाय्य होते.

दत्ताचा नामजप आणि आरती

श्री दत्त ही पूर्वजांना पुढील गती देणारी देवता आहे. त्यामुळे ‘श्री गुरुदेव दत्त ।’ हा नामजप नियमित केल्यास पूर्वजांच्या त्रासांपासून त्रासांपासून आपले रक्षण होते. यासाठी नामजपाचा उच्चार योग्य असणे आवश्यक आहे. ‘श्री गुरुदेव दत्त ।’ हा नामजप कसा करावा, हे समजून घेऊया.

दत्ताचा नामजप

श्री गुरुदेव दत्त

दत्ताची आरती

त्रिगुणात्मक त्रैमूर्ति दत्त हा जाणा

दत्ताचा नामजप केल्यावर आलेल्या अनुभूती

‘मला स्वप्नात अगदी रोज साप दिसायचे, भीती वाटायची, कधी कधी दचकून जाग यायची. सनातन संस्थेच्या साधिका कु. माधवी आचार्य यांनी मला ‘श्री गुरुदेव दत्त’ हा नामजप करायला सांगितला. ज्या दिवशी मी नामजप चालू केला त्या दिवसापासून स्वप्नात साप दिसणे थांबले. त्यानंतर २ – ३ वेळा ज्या ज्या दिवशी दत्ताचे नाम घ्यायला विसरले, त्या त्या दिवशी परत साप स्वप्नात दिसले.’

कु. सविता हडकर मुंबई

‘ॐ श्री गुरुदेव दत्त’ हा नामजप केल्यानंतर दोन दिवसांनी मला नामजपाच्या वेळी डोळे मिटून बसल्यावर सूक्ष्मातून घरातून पुष्कळ लोक बाहेर पडत आहेत, असे दृश्य दिसले व त्यानंतर जड झालेले डोके हलके झाले, तसेच छातीत दुखत होते तेही थांबले. त्या दिवसापासून नामजप मनापासून होऊ लागला.

कु. माधुरी विजयराव देशपांडे अंबाजोगाई

माझे पती दुधाच्या डेअरीमध्ये नोकरी करतात. ते बरीच वर्षे नोकरी करीत आहेत; परंतु गेल्या काही मासांपासून डेअरी बंद पडण्याच्या स्थितीत आली होती. त्यामुळे घरामध्ये ताण जाणवत असे. पितृपक्षामध्ये मी ‘श्री गुरुदेव दत्त ।’ नामजप करू लागले. त्यानंतर ज्या डेअरीमध्ये दुधाचा थेंबही नव्हता, तिथे अचानक प्रचंड प्रमाणात दूध पुरवठा चालू झाला. ही घटना घडण्यापूर्वी सगळे लोक म्हणत होते की, डेअरी बंदच पडेल; पण दत्तगुरूंच्या कृपेने हा धोका टळला.

सौ. राजश्री महादेव वांडरे मिरज

बहिणीला २५ वर्षांहून अधिक काळ होत असलेला ‘एक्झिमा’चा त्रास परात्पर गुरु डॉ. आठवले यांच्या कृपेने तिने ‘श्री गुरुदेव दत्त ।’ हा नामजप चालू केल्यानंतर एका मासातच दूर झाला. ती आता नियमितपणे नामजप करते. तिला आतून शांतीची अनुभूती येते.

श्री. साईदीपक गोपीनाथ थिरूवनंतपूरम्, केरळ

‘कर्नाटकमधील एक व्यावसायिक पूर्वी पुष्कळ मद्यपान करत. ते स्वतःसमवेत ८ – १० जणांना मद्यालयात घेऊन जात आणि त्यांच्या मद्याचा व्यय ते स्वतःच करत. नंतर हे व्यावसायिक सनातन संस्थेच्या संपर्कात आले आणि ‘श्री गुरुदेव दत्त ।’ हा नामजप करू लागले. यानंतर ते मद्यालयात जायचे; पण मद्यपान करण्याची इच्छा होत नसे. ते मद्य न पिताच घरी परत यायचे. संतांच्या मार्गदर्शनानुसार प्रतिदिन ३ घंटे दत्ताचा नामजप आणि आध्यात्मिक उपाय यांमुळे त्यांचे व्यसन एका मासात सुटले.

सौ. शोभा कामतउडुपी, कर्नाटक

अशा अनुभूती भगवंताची उपासना आणि नामजप केल्यावर येतात. दत्ताची उपासना कशी करावी, साधना कशी करावी, यांविषयी जाणून घ्यायचे असल्यास आम्हाला संपर्क करा !

Send Us an Email