हिंदु राष्ट्र

हिंदू राष्ट्र म्हणजे हिंदुहित जपले जाणारे राष्ट्र ! धर्म हाच या राष्ट्रात केंद्रबिंदू असेल ! हिंदू राष्ट्र संकल्पना म्हणजे केवळ राजकारण नाही, तर धर्माधिष्ठित जीवन जगण्याची ती एक प्रगल्भ संस्कृती असेल ! राजकारण, अर्थकारण, संरक्षण, विज्ञान इत्यादी सर्वच क्षेत्रांत हे ‘हिंदू राष्ट्र’ आदर्श असेल आणि त्यातील जनतेला रामराज्याची अनुभूतीदेखील येईल ! त्यागी अन् राष्ट्रोद्धाराची भावना बाळगणारा धर्माचरणी समाज, प्रजेच्या रक्षणार्थ अहोरात्र झटणार्‍या सुरक्षायंत्रणा, सत्यान्वेषी न्यायप्रणाली, कार्यक्षम प्रशासन आणि सर्वांत महत्त्वाचे म्हणजे धर्मनिष्ठा अन् राष्ट्रनिष्ठा बाळगणारे समाजहितासाठी निःस्पृहपणे राज्य करणारे राज्यकर्ते, ही या हिंदूराष्ट्राची मानचिन्हे असणार आहेत. ल‍वकरच रामराज्याची झलक दाखवणारे हे धर्माधिष्ठित ‘हिंदू राष्ट्र’ स्थापन होईल.

‘समर्थ रामदासस्वामी यांनी म्हटले आहे,

धर्माच्या करिता आम्हांस जगती रामाने धाडीयले ।

हाच भाव ठेवून गुरुदेवांनी धर्मसंस्थापनेच्या कार्यासाठी स्वतःचे जीवन समर्पित केले आहे. भारतात निधर्मीवादाचा अतिरेक झालेला असतांनाच्या काळात, वर्ष १९९८ मध्ये गुरुदेवांनी धर्माला अनुकूल असणार्‍या (धर्माधिष्ठित) हिंदु राष्ट्राच्या स्थापनेचा उद्घोष केला ! आज समस्त राष्ट्रप्रेमी आणि धर्मप्रेमी यांचा जणू हा जयघोष बनला आहे ! अश्या या हिंदु राष्ट्राच्या स्थापनेसाठी हिंदूजागृती, हिंदूंचे अभेद्य संघटन आणि आध्यात्मिक बलसंपन्नतेसाठी त्यांना साधना शिकवणे, ही गुरुदेवांच्या मार्गदर्शनाची त्रिसूत्री आहे !