भाग्यनगर (हैद्राबाद) येथे १८ ते २८ जानेवारी या कालावधीत पार पडलेल्या ‘हैद्राबाद बूक फेअर’मध्ये सनातनच्या ग्रंथांचे प्रदर्शनही लावण्यात आले होते. या ग्रंथप्रदर्शनात राष्ट्र, धर्म, आयुर्वेद आदी विविध विषयांवरील तेलुगु, हिंदी आणि इंग्रजी या भाषांतील सनातनच्या ग्रंथांचा समावेश होता.
बारामती (जिल्हा पुणे) येथे मकरसंक्रांतीनिमित्त हळदी-कुंकू कार्यक्रमाचे आयोजन करण्यात आले होते. या वेळी संक्रांत या सणाविषयी माहिती देणारे चलचित्र (व्हिडिओ) महिलांना दाखवण्यात आले.
अमरावती शहर, मोर्शी आणि मूर्तीजापूर गावांमध्ये सनातनच्या धर्मरथाच्या माध्यमातून अध्यात्मप्रसार करण्यात आला. मूर्तीजापूर गावात ग्राहक पंचायतीचे अध्यक्ष चंदन अग्रवाल, भाजप शहराध्यक्ष भारत भगत, तसेच स्थानिक ज्येष्ठ समाजसेवक कमलाकर गावंडे यांनी धर्मरथाचे पूजन करून प्रसारकार्याला प्रारंभ केला.
वडनेरभैरव (नाशिक) येथे एकता ग्रुपच्या वतीने मकरसंक्रांतीनिमित्त हळदी कुंकू समारंभाचे आयोजन करण्यात आले होते. या वेळी सनातन संस्थेच्या सौ. वसुधा चौधरी यांनी मकरसंक्रांतीचे महत्त्व आणि लाभ तसेच धर्मशिक्षणाचे महत्त्व या विषयावर प्रवचन घेतले.
अंबाई नगर येथे १९ जानेवारीला सनातन संस्थेच्या वतीने मकरसंक्रांतीनिमित्त आयोजित केलेल्या कार्यक्रमात मकरसंक्रात आणि धर्माचरण, तसेच कुलदेव आणि दत्त यांच्या नामाचे महत्त्व या विषयावर मार्गदर्शन केले.
उडुपी (कर्नाटक) येथे लावण्यात आलेल्या सनातनच्या ग्रंथ आणि सात्त्विक उत्पादने यांच्या प्रदर्शनाचे उद्घाटन प.पू. शांताराम भंडारकर महाराज यांच्या हस्ते करण्यात आले.
सनातन संस्थेच्या वतीने दत्त जयंतीच्या दिवशी बांगर (देवास) आणि इंदूर येथे ग्रंथ, सात्त्विक उत्पादने आणि धर्मशिक्षण देणारे फ्लेक्सचे फलक यांचे प्रदर्शन लावण्यात आले होते. बांगर येथे १० डिसेंबरला झालेल्या भंडार्‍यातही हे प्रदर्शन लावण्यात आले होते. या प्रदर्शनाला जिज्ञासूंचा उत्स्फूर्त प्रतिसाद लाभला.
अकोला येथे दत्त जयंती निमित्त लावलेल्या सनातन संस्थेच्या ग्रंथप्रदर्शनात जोधपूर येथील भगवतभूषण राधाकृष्ण महाराज यांनी भेट दिली.
२९ ऑक्टोबर या दिवशी येथील दक्षिणमुखी मारुति मंदिराच्या सभागृहात आयोजित केलेला ‘सनातन प्रभात’च्या वाचकांचा मेळावा उत्साहात पार पडला. या प्रसंगी उपस्थित वाचकांनी ‘सनातन प्रभात’विषयी आपुलकीची भावना व्यक्त केली.
लातूर येथील महाराष्ट्र राज्य ग्रंथालय संघाच्या ५४ व्या वार्षिक अधिवेशनात सनातन संस्थेच्या वतीने ग्रंथप्रदर्शनाला महाराष्ट्रातील नामांकित वाचनालय प्रमुखांनी भेट देऊन त्यांच्या ग्रंथालयासाठी सनातनने प्रकाशित केलेले ग्रंथ खरेदी करणार असल्याचे सांगितले.