सनातनच्या वतीने पवई येथे ‘आनंदी जीवनासाठी साधना’ या विषयावर मार्गदर्शन

सनातन आणि हिंदु जनजागृती समितीचे हिंदु राष्ट्र-जागृती अभियान !

मार्गदर्शन करतांना सौ. नयना भगत

मुंबई – येथील पवई विहार संकुलातील शिवमंदिर येथे सनातनच्या वतीने ‘आनंदी जीवनासाठी साधना’ या विषयावर २६ एप्रिल या दिवशी प्रवचन आयोजित करण्यात आले होते. सनातनच्या प्रवक्त्या सौ. नयना भगत त्यांच्या प्रवचनात म्हणाल्या, ‘‘प्रत्येकाला आपल्या जीवनात आनंद हवा असतो. व्यावहारिक सुख हे अशाश्‍वत असते. शाश्‍वत आनंद मिळवण्याचा मार्ग केवळ अध्यात्मात आहे. म्हणूनच प्रत्येकाने आपल्या प्रकृतीनुसार साधना करणे आवश्यक आहे.’’ या प्रवचनाचा २५ जिज्ञासूंनी लाभ घेतला.

 

परात्पर गुरु डॉ. जयंत आठवले यांच्या आरोग्यासाठी देवाला साकडे !

पवई विहार संकुलातील शिवमंदिर येथे साकडे घालतांना धर्मप्रेमी

प्रवचनापूर्वी येथे सनातन संस्थेचे संस्थापक परात्पर गुरु डॉ. आठवले यांच्या जन्मोत्सवाच्या निमित्ताने त्यांना आयुरारोग्य लाभावे, तसेच हिंदु राष्ट्राच्या स्थापनेतील अडथळे दूर व्हावेत यासाठी शिवाला साकडे घालण्यात आले. सनातनचे साधक श्री. प्रसाद कदम यांनी हे साकडे घातले. या वेळी पवई परिसरातील सनातन प्रभातचे वाचक उपस्थित होते. वाचक श्री. श्याम नाग यांनी स्वतः पूजेचे साहित्य आणले आणि त्यांच्या समवेत अन्य धर्मप्रेमींनाही ते घेऊन आलेे.

संदर्भ : दैनिक सनातन प्रभात