आपण सर्व कार्य करत असतांना सर्वजण बरोबरीचे अधिकारी आहोत. येथे कोणी लहान-मोठा असत नाही, असे प्रतिपादन हरिद्वार येथील श्रीकृष्ण निवास तथा पूर्णानंद आश्रमाचे महामंडलेश्वर श्री स्वामी गिरिधरगिरी महाराज (छोटे महाराज) यांनी ३१ जानेवारी या दिवशी येथे केले.

माता गंगा नदीच्या किनारी हिंदूंचे रक्षण आणि जागृती यांसाठी हे प्रदर्शन लावले आहे. अनेक संकटे आली, तरी तुम्ही हिंदु धर्माची परंपरा आणि हिंदू यांच्यासाठी कार्य करत आहात. सर्व संतांनी असे कार्य करायला हवे. सध्या भारतात आदिवासी भागांतील आणि इतर ठिकाणचे हिंदू हे ख्रिस्ती होत आहेत.

हिंदु जनजागृती समितीच्या वतीने लावलेल्या धर्मशिक्षण प्रदर्शनातून सर्वांना सकारात्मक ऊर्जा मिळते. ती सर्वांनी घेतली पाहिजे, असे प्रतिपादन गुजरात येथील स्वामीनारायण संप्रदायाचे आचार्य हेमेंद्र प्रसाद यांनी १ फेब्रुवारी या दिवशी येथे केले.

३१ जानेवारी या दिवशी कुंभनगरीतील सनातन संस्थेचे ग्रंथप्रदर्शन आणि हिंदु जनजागृती समितीचे धर्मशिक्षण फलक प्रदर्शन यांना राजस्थान येथील रामानंदी वैष्णव संप्रदायाचे पू. पूर्णदास महाराजयांनी भेट दिली.

सनातन संस्थेने भारतीय संस्कृतीवर आधारित प्रदर्शन लावल्यामुळेे आपल्या परंपरांचे महत्त्व लोकांना कळत आहे. प्रदर्शनाच्या माध्यमातून हिंदु संस्कृती जतन करण्याचे कार्य होत आहे, असे प्रतिपादन संत तुकाराम महाराज यांचे वंशज आणि पंढरपूर विठ्ठल-रुक्मिणी देवस्थानचे विश्वस्त ह.भ.प. शिवाजी महाराज मोरे यांनी येथे केले.

सध्या स्वातंत्र्य स्वैराचाराकडे जाऊ लागले आहे. यामुळेच अनेक अनर्थ होऊ लागले आहेत. राष्ट्र आणि धर्म यांचे कार्य यशस्वी होण्यासाठी ही वाईट प्रवृत्ती नष्ट झाली पाहिजे, असे प्रतिपादन सातारा येथील तीर्थक्षेत्र आदिमठ संस्थान धारेश्वर मठाचे श्री.ष.ब्र.प्र.१०८ आदिश्वर नीलकंठ शिवाचार्य महास्वामी धारेश्वर महाराज यांनी येथे केले.

सनातन संस्थेकडून सनातन संस्कृतीला वाचवण्यासाठी चांगले प्रयत्न होत असल्याचे प्रतिपादन विश्‍व हिंदु परिषदेच्या साध्वी डॉ. प्राची यांनी येथे केले.