सावंतवाडी (सिंधुदुर्ग) तालुक्यातील शारदा विद्यालय, मळगाव आणि ग्रामपंचायत सभागृह, आंबेगाव या परिसरातील धर्मप्रेमींसाठी ‘धर्माचरण आणि साधनेचे जीवनातील महत्त्व’ या विषयावर धर्मप्रचारक सद्गुरु स्वाती खाडये यांचे मार्गदर्शन आयोजित करण्यात आले होते.

क्रेडाई-बी.ए.एन्.एम्.च्या ‘प्रॉपर्टी एक्झिबिशन’मध्ये सनातन संस्थेचे ग्रंथप्रदर्शन लावण्यात आले. ७ ते १० एप्रिल या कालावधीमध्ये सकाळी १० ते रात्री ९ वाजेपर्यंत वाशी रेल्वे स्थानकासमोरील ‘सिडको एक्झिबिशन सेंटर’मध्ये हे २१ वे ‘प्रॉपर्टी एक्झिबिशन’ आयोजित करण्यात आले.

हनुमान जयंतीनिमित्त सनातन संस्थेच्या वतीने पुणे जिल्ह्यामध्ये फलक प्रसिद्धी, सामूहिक नामजप आणि मारुति स्तोत्र पठण, प्रवचन तसेच ठिकठिकाणच्या मारुति मंदिरात ग्रंथ, सात्त्विक उत्पादनांचे कक्ष, फ्लेक्स प्रदर्शन लावणे, असे विविध उपक्रम राबवण्यात आले.

गोवा दूरदर्शनवर गुढीपाडव्‍याच्‍या निमित्ताने आयोजित करण्‍यात आलेल्‍या कार्यक्रमात सनातन संस्‍थेच्‍या साधिका सौ. समृद्धी गरुड यांची मुलाखत घेण्‍यात आली. या मुलाखतीत सौ. गरुड यांनी गुढीपाडव्‍याविषयी सविस्‍तर माहिती दिली.

श्री गजानन महाराज प्रकट दिनानिमित्त १३ फेब्रुवारी या दिवशी पुणे जिल्ह्यात विविध ठिकाणी ग्रंथप्रदर्शनाचे आयोजन करण्यात आले होते. त्याला जिज्ञासूंचा उत्स्फूर्त प्रतिसाद मिळाला.