पुण्यप्राप्तीच्या दृष्टीने आणि देहाची शुद्धी होऊन वाईट शक्तींचा त्रास दूर होण्यासाठी उन्नतांनी वापरलेल्या वस्तू वापरणे फलदायी ठरते. संतांनी वापरलेली वस्त्रे वापरल्याने कोणते आणि कसे लाभ होतात, हे या लेखातून पाहू.

या लेखात सनातनच्या साधिकेने कापडाच्या विविध प्रकारांची काढलेली सूक्ष्म-ज्ञानविषयक चित्रे आणि केलेले सूक्ष्म-ज्ञानविषयक परीक्षण देण्यात आले आहे.

अंगभर कपडे परिधान केल्यामुळे ईश्वरी चैतन्याचा लाभ होतो. विटलेले (रंग उडालेले), फाटलेले किंवा उसवलेले कपडे वापरू नयेत; फाटलेले किंवा उसवलेले कपडे घातल्यामुळे वाईट शक्तींचा त्रास होण्याची शक्यता असते.

धुतलेले कपडे घातल्यामुळे देवतांची स्पंदने कपडे आणि व्यक्ती यांच्याकडे आकृष्ट होतात. ही आकृष्ट झालेली देवतांची स्पंदने कपड्यांच्या माध्यमातून व्यक्तीला प्राप्त होतात. ही प्रक्रिया कशी होते, त्याविषयी पाहू.