जळगाव, चोपडा, धुळे, ब्रह्मपूर येथे सनातन संस्था आयोजित गुरुपौर्णिमा महोत्सव उत्साहात साजरे !

जळगाव येथील गुरुपौर्णिमा महोत्सवास उपस्थित जिज्ञासू

काळानुसार हिंदु राष्ट्रासाठी योगदान देणे, ही श्री गुरूंच्या समष्टी रूपाची सेवा ! – सद्गुरु नंदकुमार जाधव, सनातन संस्था

जळगाव, १४ जुलै (वार्ता.) – प्रत्येकाने धर्मशिक्षण घेऊन आणि धर्माचरण करून धर्मनिष्ठ समाजाची निर्मिती अन् धर्माधिष्ठित हिंदु राष्ट्राच्या स्थापनेसाठी कृतीशील झाले पाहिजे. काळानुसार हिंदु राष्ट्रासाठी योगदान देणे, ही श्री गुरूंच्या समष्टी रूपाची सेवाच आहे, असे प्रतिपादन सनातनचे सद्गुरु नंदकुमार जाधव यांनी या वेळी केले.

सद्गुरु नंदकुमार जाधव

सनातन संस्थेच्या वतीने आयोजित गुरुपौर्णिमा महोत्सवात ते बोलत होते. येथील ला.ना. हायस्कूलच्या भाऊसाहेब गंधे सभागृहात १३ जुलै या दिवशी गुरुपौर्णिमा महोत्सव भावपूर्ण वातावरणात पार पडला. चोपडा (जळगाव), धुळे, ब्रह्मपूर (मध्यप्रदेश) येथेही गुरुपौर्णिमा महोत्सव उत्साहात साजरा करण्यात आला.