हिंदूंनी नवरात्रात केवळ ९ दिवस देवीचा जागर न करता वर्षभर देवीची उपासना करावी ! – सद्गुरु स्वाती खाडये, सनातन संस्था

मार्गदर्शन करतांना सद्गुरु स्वाती खाडये

बेळगाव –  आजचा युवक हा भावी राष्ट्र आणि धर्माचा आधारस्तंभ असतांना आजची युवा पिढी व्यसनाधिनतेच्या विळख्यात सापडली आहे. वाढदिवसाच्या दिवशी मेणबत्ती विझवणे यांसारख्या पाश्चात्त्यांचे अंधानुकरण करणार्‍या प्रथांमध्ये आपण अडकून आपल्या संस्कृतीपासून लांब जात आहोत. यासाठी हिंदूंनी नवरात्रात केवळ ९ दिवस देवीचा जागर न करता वर्षभर देवीची उपासना करावी आणि आपल्यातील शौर्य जागृत करावे. हिंदु युवती आज मोठ्या प्रमाणात ‘लव्ह जिहाद’च्या तावडीत सापडत आहेत. महिलांनी राणी चेनम्मा आणि झाशीची राणी लक्ष्मीबाई यांचा आदर्श डोळ्यांसमोर ठेवून आचरण केल्यास या समस्येला तोंड देणे शक्य होईल, असे मार्गदर्शन सनातन संस्थेच्या धर्मप्रचारक सद्गुरु स्वाती खाडये यांनी केले.

दौडीसाठी उपस्थित धारकरी आणि हिंदू

बेळगाव जिल्ह्यातील नंदीहळ्ळी येथे आयोजित दुर्गादौडीमध्ये त्या बोलत होत्या. सर्वप्रथम गावातील दुर्गादेवीच्या मंदिरामध्ये प्रेरणा मंत्र आणि आरती यांनी दौडीचा प्रारंभ झाला. शहरातील विविध मार्गांवरून जाऊन लक्ष्मी मंदिर या ठिकाणी सांगता करण्यात आली. या दौडीमध्ये सनातन संस्था, श्री शिवप्रतिष्ठान हिंदुस्थान, वारकरी, तरुण असे ५०० हून अधिक हिंदू सहभागी होते.