
मुंबई – सनातनचे श्रद्धास्थान प.पू. भक्तराज महाराज यांचे उत्तराधिकारी आणि सनातनचे स्फूर्तीस्थान प.पू. रामानंद महाराज यांच्या पार्थिवावर १२ मार्च या दिवशी दुपारी १२ वाजून ४० मिनिटांनी इंदूर येथील रामबागेतील मुक्तीधाम स्मशानभूमीत संतांच्या उपस्थितीत अंत्यसंस्कार करण्यात आला. प.पू. रामानंद महाराज यांचे पुत्र श्री. लोकेश उपाख्य राजू निरगुडकर यांनी त्यांच्या पार्थिवाला अग्नी दिला. या वेळी प.पू. रामानंद महाराज यांचे विविध भागांतून आलेले ६०० हून अधिक भक्त उपस्थित होते.

तत्पूर्वी सकाळी ९ वाजता भक्तवात्सल्याश्रमातून प.पू. रामानंद महाराज यांच्या पार्थिवाची अंत्ययात्रा काढण्यात आली. या वेळी इंदूर येथील प.पू. अण्णा महाराज, प.पू. बेहरे महाराज, प.पू. श्रीराम महाराज, मुंबई येथील प.पू. जोशीबाबा, प.पू. भक्तराज महाराज यांचे पुत्र श्री. नंदू कसरेकर, सनातन संस्थेचे प्रेरणास्थान प.पू. डॉ. जयंत आठवले यांच्या पत्नी डॉ. (सौ) कुंदा आठवले, तसेच ठाणे जिल्ह्यातील वांगणी येथील गणेश महाराजांचे भक्त आणि गणेशभक्त अमृतफळे महाराजांचे भक्त उपस्थित होते. तसेच मुंबई, गोवा, देहली इत्यादी ठिकाणांवरून आलेले प.पू. रामानंद महाराजांचे भक्त उपस्थित होते. दुपारी अंत्यसंस्कार झाल्यावर निरगुडकर परिवाराने प.पू. रामानंद महाराज यांना संत आणि भक्त यांच्या उपस्थितीत श्रद्धांजली वाहिली.
भक्तांच्या दर्शनासाठी ११ मार्च या दिवशी दिवसभर प.पू. रामानंद महाराज यांचे पार्थिव भक्तवात्सल्याश्रमात दर्शनासाठी ठेवण्यात आले होते.
सनातन संस्थे’च्या साधकांच्या बेकायदेशीरपणे चौकशा चालूच !
नाशिक कुंभमेळ्याच्या भव्य धर्मध्वज नगर परिक्रमेचे सनातन संस्थेने केले स्वागत !
प.पू. समर्थ शिवानंद स्वामी महाराज (भीष्माचार्य) यांचे समाधीगमन !
दीपावलीनिमित्त SanatanShop.com वर २५ % पर्यंत विशेष सवलत !
शाळा आणि महाविद्यालये यांमध्ये आयोजित केल्या जाणार्या स्पर्धांमध्ये विजेत्या विद्यार्थ्यांना सनातनचे ग्रंथ अन् लघुग्रंथ पारितोषिक...
सनातन संस्थेच्या श्रीचित्शक्ति (सौ.) अंजली मुकुल गाडगीळ यांनी जडिगेनहळ्ळी (कर्नाटक) येथील श्री कालभैरव देवतेचे घेतले...