सनातन संस्थेच्या वतीने सांगली येथील अपंग मुलांसाठी रक्षाबंधन सण साजरा !

सांगली, ११ ऑगस्ट (वार्ता.) – येथील वारणाली वसाहतीमधील ‘अपंग सेवा केंद्रा’तील मुलांसाठी सनातन संस्थेच्या वतीने राखी पौर्णिमेनिमित्त ९ ऑगस्ट या दिवशी राखी बांधण्याचा कार्यक्रम उत्साहात पार पडला. सनातन संस्थेच्या सौ. रत्ना भंगाळे, डॉ. (सौ.) मधुरा कुलकर्णी, डॉ. (श्रीमती) मृणालिनी भोसले आणि हिंदु जनजागृती समितीचे श्री. द्वारकाधीश मुंदडा यांनी या कार्यक्रमात सहभाग घेतला.

अपंग सेवा केंद्राच्या अध्यक्षा श्रीमती निर्मला कुलकर्णी यांनी या कार्यक्रमासाठी पुष्कळ साहाय्य केले. या वेळी अपंग मुलांनी उत्कृष्टपणे एक नाटिका आणि समूह नृत्यही सादर केले. या उपक्रमासाठी केंद्रातील सौ. श्रुती वेलणकर, सुश्री गीतांजली कुलकर्णी, सौ. पूजा पाटील, सौ. राधा संकपाळ, सौ. तृप्ती हेगडे यांचे सहकार्य लाभले. केंद्रातील निरंजन सूर्यवंशी, केदार पाटील, ऋजुल कामानी, योगेश लेले, कमलेश शुक्ला, नीलभा कवठेकर, स्नेहा जाधव, हर्ष गायकवाड, सूरज खंबाळकर, सौरभ हराळे या मतीमंद मुलांना राखी बांधण्यात आली. या वेळी केंद्रातील सर्वांच्या मनात परिवाराची एकीची भावना निर्माण झाली. केंद्राच्या अध्यक्षा श्रीमती निर्मला कुलकर्णी यांनी ‘सनातन संस्थेचे कार्य पुष्कळ चांगले आहे. साधकांच्या सहवासात येथील मुले आनंदी झाली’, असा आवर्जून उल्लेख केला.