सनातन संस्थेच्या वतीने येथील जिज्ञासूंसाठी श्री गणेशचतुर्थीच्या निमित्ताने १० सप्टेंबर २०२१ या दिवशी श्री गणेशाच्या सामूहिक नामजपाचे ‘ऑनलाईन’ आयोजन करण्यात आले होते. त्याला गणेशभक्तांचा उत्स्फूर्त प्रतिसाद लाभला.

सनातन संस्था आणि हिंदु जनजागृती समिती यांच्या संयुक्त विद्यमाने गणेशोत्सवानिमित्त एका विशेष ‘ऑनलाईन’ सत्संगाचे आयोजन करण्यात आले होते. या वेळी सनातनच्या कु. टुपुर भट्टाचार्य यांनी श्री गणेशचतुर्थीचे महत्त्व, श्री गणेशाचे पूजन, गणेशमूर्तीचे विसर्जन कसे करावे ? इत्यादी विषयांवर मार्गदर्शन केले.

या कार्यक्रमाला जिज्ञासूंचा उत्स्फूर्त प्रतिसाद मिळाला. सामूहिक नामजपाच्या प्रारंभी सनातनच्या साधिका सौ. तेजस्वी वेंकटापूर यांनी श्रीकृष्णाविषयीची माहिती सांगितली. त्यानंतर ‘ऑनलाईन’ नामजपाला प्रारंभ करण्यात आला. या वेळी सर्व जिज्ञासूंनी २० मिनिटे सामूहिक नामजप केला. हा कार्यक्रम जिज्ञासूंना पुष्कळ आवडला. ‘या नामजपामुळे पुष्कळ शांत वाटून आनंद जाणवला’, असे अनेकांनी कळवले.

कोणताही सण शास्त्र जाणून साजरा केल्यास त्याचा अध्यात्मशास्त्रीय दृष्टीकोनातून अधिक लाभ अनुभवता येतो. सनातन संस्था प्रत्येक सणाचे शास्त्र सांगून सण साजरे करायला सांगते. गणेशोत्सवाच्या काळात श्री गणेशाच्या नामजपाचा लाभ घ्या, असे आवाहन सनातन संस्थेचे धर्मप्रचारक पू. अशोक पात्रीकर यांनी केले.