राष्ट्रीय स्वयंसेवक संघाचे गोवा राज्य संघचालक लक्ष्मण
बेहरे यांची रामनाथी, गोवा येथील सनातनच्या आश्रमाला सदिच्छा भेट !
रामनाथी (गोवा) – राष्ट्रीय स्वयंसेवक संघाचे गोवा संघचालक श्री. लक्ष्मण बेहरे यांनी १८ जानेवारी या दिवशी सनातनच्या येथील आश्रमाला सदिच्छा भेट दिली. या वेळी सनातनचे साधक अधिवक्ता योगेश जलतारे यांनी श्री. बेहरे यांना आश्रमाविषयी आणि आश्रमात राष्ट्र, धर्म अन् आध्यात्मिक संशोधन यांविषयी चाललेल्या कार्याची माहिती दिली.
सनातनचे कार्य आणि आश्रमाविषयीची माहिती घेतल्यावर श्री. बेहरे यांनी ‘हिंदु धर्मजागृतीचे महान कार्य पाहून पूर्ण समाधान झाले. सर्व साधक राष्ट्र्र आणि हिंदु धर्म यांसाठी करत असलेले कार्य पूर्वजन्माच्या पुण्याईमुळे शक्य आहे’, असे गौरवोद्गार काढले.
