कळंबोली – येथील बिमा कॉम्प्लेक्स येथे सनातन संस्थेच्या वतीने धर्मरथावर सनातन संस्थेचे ग्रंथ आणि सात्त्विक उत्पादने यांच्या विक्रीकेंद्राचे उद्घाटन सह्याद्री सामाजिक संस्थेचे अध्यक्ष श्री. संतोष वर्तक आणि भाजपचे पनवेल शहर चिटणीसपदावर श्री. अशोक मोटे यांच्या हस्ते करण्यात आले.
श्री. वर्तक यांनी सांगितले, सनातन संस्थेचे कार्य जास्तीतजास्त लोकांपर्यंत पोहोचायला हवे. तुम्ही साधक सर्वकाही सांभाळून कार्य करत आहात. तुमच्यामुळेच आम्हाला धर्मकार्यासाठी या माध्यमातून वेळ देता येतो. त्यांनी शिवजयंतीला उरण येथील त्यांच्या कार्यक्रमात सनातन संस्थेला विषय मांडण्यासाठी निमंत्रित केले. तसेच हे ग्रंथप्रदर्शन कार्यक्रमस्थळी लावण्याची मागणी केली.
श्री. अशोक मोटे यांनी सनातन संस्थेचे कार्य चांगले आहे. आमच्या कार्यक्रमाच्या वेळी संस्थेचे कार्यक्रम आयोजित करू, अशी प्रतिक्रिया दिली.
क्षणचित्र
प्रदर्शनाचे उद्घाटन शास्त्रोक्त पद्धतीने करण्यात आले.
