कोयना धरणाच्या परिसरात भूकंपाचे धक्के

पुणे : सातारा जिल्ह्यातील कोयना धरणाच्या परिसरात ३ जूनला रात्री ११ वाजून ४४ मिनिटांनी भूकंपाचे धक्के बसले. या भूकंपाची तीव्रता रिश्टर स्केलवर ४.८ इतकी नोंदवली गेली. भूकंपाचा केंद्रबिंदू धरण परिसरातील भूमीपासून १० किलोमीटर इतक्या खोलीवर होता. या भूकंपाचे धक्के पुणे, सांगली, कोल्हापूर आणि गोवा येथेही जाणवले. भूकंपामुळे कोणत्याही प्रकारची हानी झालेली नाही. गेल्या मासातही कोयना धरणाच्या परिसरात भूकंपाचे अतिशय सौम्य धक्के जाणवले होते.

पृथ्वीवर नैसर्गिक आपत्ती किंवा अराजकासारखी स्थिती एकाच वेळी
निर्माण होईल आणि ‘सर्व ईश्वराच्या हातातच आहे’, हे राजाच्या लक्षात येईल !

तिरुवण्णमलई, तमिळनाडू येथे ११.२.२०१७ या दिवशी झालेल्या ‘नाडीवाचन क्रमांक ११४’मध्ये महर्षि म्हणतात, ‘‘येणाऱ्यां काही दिवसांमध्ये पृथ्वीवरील ६५ ते ७५ राष्ट्रांमध्ये प्रत्येक दिवशी काही ना काहीतरी घडणार आहे. नैसर्गिक आपत्ती किंवा अराजकासारखी स्थिती एकाच वेळी निर्माण होईल. अशी स्थिती असेल की, तेथील राजाच्या (राज्यकर्त्याच्या) हातामध्ये काहीच नसेल. तो काहीही करू शकणार नाही. ‘हे सर्व ईश्वराच्या हातातच आहे’, हे त्याच्या लक्षात येईल.’’

संदर्भ : दैनिक सनातन प्रभात