(गोवा) येथील सनातनच्या आश्रमात सूर्यनमस्कार शिबिर

रामनाथी (फोंडा) – २५ जानेवारीला झालेल्या रथसप्तमीच्या निमित्ताने रामनाथी येथील सनातनच्या आश्रमात सकाळी ७.३० ते ८.३० या कालावधीत सूर्यनमस्कार शिबिर घेण्यात आले. भौतिकोपचार तज्ञ सौ. अक्षता रेडकर यांच्या मार्गदर्शनाखाली हे शिबिर घेण्यात आले. सूर्याला नमन करत ‘आदित्य हृदयं स्तोत्र’ म्हणून सूर्यनमस्कार घालण्यास आरंभ करण्यात आला. १० साधकांनी १०८, तर ७ साधकांनी ५० हून अधिक सूर्यनमस्कार घालून रथसप्तमीच्या सणाचा लाभ करून घेतला. सूर्यनमस्कार घालणाऱ्यांमध्ये १८ वर्षे वयापासून ७२ वर्षे वयाच्या वृद्धांचा देखील उत्साहपूर्वक सहभाग होता. सूर्यनमस्काराचे आरोग्यदृष्ट्या लाभ लक्षात घेता रथसप्तमीपूर्वी १ महिना अनेक साधक एकत्रित सूर्यनमस्कार घालत होते. सूर्यनमस्कार घातल्यामुळे श्वसनाची क्षमता सुधारणे, लवचिकता वाढणे, ताजे तवाने वाटणे, थकवा न्यून होणे, उत्साह वाढणे, असे अनेक लाभ साधकांना अनुभवायला मिळाले. यापुढे प्रतिदिन सूर्यनमस्कार घालण्याचा साधकांनी निश्चय केला आहे.