सनातन संस्थेच्या वतीने मथुरा येथे ‘श्राद्ध’ विषयावर प्रवचन आणि सामूहिक नामजप !

मथुरा (उत्तरप्रदेश) : सनातन संस्थेच्या वतीने येथील अशोका सिटी सोसायटीमध्ये ‘सनातन प्रभात’च्या वाचिका माला गंगवानी यांच्या निवासस्थानी ‘श्राद्ध’ या विषयावर प्रवचनाचे आयोजन करण्यात आले होते.

या वेळी संस्थेच्या कु. पूनम किंगर यांनी ‘श्राद्धाचे महत्त्व, श्राद्ध केल्याने पूर्वजांना पुढील गती मिळण्यासाठी कसे साहाय्य होते, तसेच पूर्वजांच्या त्रासापासून रक्षण करण्यासाठी तथा पितृदोष न्यून करण्यासाठी ‘श्री गुरुदेव दत्त’ नामजप का करावा ?’, यांविषयी मार्गदर्शन केले. या वेळी उपस्थित जिज्ञासूंनी सामूहिकपणे ‘श्री गुरुदेव दत्त’ हा नामजप केला.