पंचम अखिल भारतीय हिंदू अधिवेशनाला उपस्थित हिंदुत्ववाद्यांची सनातनच्या रामनाथी आश्रमाला भेट !

१९ ते २५.६.२०१६ या कालावधीत विद्याधिराज सभागृह, रामनाथी, गोवा येथे पंचम अखिल भारतीय हिंदू अधिवेशन होत आहे. या अधिवेशनात सहभागी झालेल्या हिंदुत्ववाद्यांनी सनातनच्या रामनाथी येथील आश्रमाला भेट दिली आणि येथील कार्याची ओळख करून घेतली.

आश्रमदर्शन केलेल्या मान्यवरांचे अभिप्राय

 सनातनची निर्भीड पत्रकारिता मला फार आवडली !

आश्रम पाहून मन प्रसन्न झाले. सनातनची निर्भीड पत्रकारिता मला फार आवडली. पुष्कळ विरोध असूनही तुम्ही परखड मत मांडत असता. – श्री. अंबरीश न. नाडकर्णी (भाजप कार्यकर्ता), गोवा. (१८.६.२०१६)

आश्रम पाहून हिंदु राष्ट्राची संकल्पना साकार होत आहे, असे जाणवले !

सनातन संस्थेचा रामनाथी, गोवा येथील आश्रम पाहून हिंदु राष्ट्राची संकल्पना साकार होत आहे, असे जाणवले. आता तो दिवस दूर नाही की, ज्या दिवशी देहलीच्या लाल किल्ल्यावर भगवा ध्वज फडकेल ! साधकांचा राष्ट्र आणि धर्म यांच्या सेवेत मनापासून असलेला सहभाग आणि तत्परताच हिंदु राष्ट्राची स्थापना करील ! – बसंतसिंह गहलोत (दादा), जयपूर, राजस्थान. (८.८.२०१५)