आपल्यापैकी प्रत्येकाने सुखाच्या क्षणांचा आणि दुःखाचाही अनुभव घेतला आहे. प्रत्येकाची धडपड सुखप्राप्तीसाठी असली, तरी बहुतांश वेळेला दुःखच आपल्या पदरी येते, असा आपला अनुभव असतो. सर्वसाधारणपणे सध्याच्या काळात मानवी जीवनात सुख सरासरी २५ टक्के आणि दुःख ७५ टक्के असते.

धर्मशास्त्रात ईश्वरप्राप्तीचे म्हणजे आनंदप्राप्तीचे अनेक मार्ग सांगितले आहेत; पण या सहस्रो साधनामार्गांपैकी नेमक्या कोणत्या साधनेला आज प्रारंभ करावा, हे बहुतेकांना ठाऊक नसते. त्यामुळे बरेच जण त्यांना जे आवडते किंवा जसे वाटते, त्याप्रमाणे साधना करण्याचा प्रयत्न करतात.