४. ईश्वराचे समष्टी कार्यदर्शवणारी चित्रे

मन, बुद्धी आणि अहं व्यापणारी ईश्वराची तीन पावले ! : ‘हे ईश्वरा, ज्या प्रमाणे तू स्वर्गलोक, भूलोक आणि पाताळ व्यापून टाकले आहेस, त्याप्रमाणे माझे मन, बुद्धी आणि अहं यांनाही तू व्यापून टाक, ही प्रार्थना वाचून भगवान श्रीकृष्णाने साधिकेला हे चित्र रेखाटण्याची प्रेरणा दिली.’

ईश्वराच्या कृपेमुळे साधकांनी आरंभलेले कलियुगातील समुद्रमंथन : साधकांच्या माध्यमातून श्रीकृष्णच वासुकी नागाच्या दोन्ही बाजूला उभे राहून नागाची दोन्ही टोके ओढत आहे. साधकांच्या चित्तसमुद्राचे मंथन करून अहंकार, दोष आणि अज्ञान यांची मलीनता हलाहल विषाच्या रूपाने चित्तसमुद्रातून बाहेर पडते.

द्रौपदीच्या स्थितीमध्ये असलेल्या हिंदू महिलांचे रक्षण केवळ भगवान श्रीकृष्णच करू शकणे : द्रौपदीप्रमाणे संपूर्ण शरणागतभावाच्या स्थितीत असलेल्या हिंदू महिलांच्या रक्षणासाठी, त्यांना संकटातून मुक्त करण्यासाठी भगवान श्रीकृष्ण येत आहे, असे दाखवले आहे.

कलियुगांतर्गत ६ व्या कलियुगाकडून सत्ययुगाकडे होणारे संक्रमण : कर्माला ज्ञानाची, ज्ञानाला भक्तीची आणि भक्तीला गुरुकृपेची जोड मिळणे, म्हणजे कलियुगाकडून द्वापरयुगाकडे, द्वापरयुगाकडून त्रेतायुगाकडे आणि त्रेतायुगाकडून सत्ययुगाकडे साधकाचे संक्रमण होणे होय.

एका बालकाने पांडुरंगाच्या मूर्तीवर छत्री धरणे ! : चित्रात ‘हिंदु विधिज्ञ परिषदे’ला बालकरूपात रेखाटले असून तो बालक विठ्ठलाचे (पांडुरंगाचे) काँग्रेस शासनाचा भ्रष्टाचाररूपी मुसळधार पावसापासून भक्तीच्या छत्रीने रक्षण करत आहे.