३. भगवान श्रीकृष्णाची शिकवण दर्शवणारी चित्रे

श्रीकृष्णाने पित्याप्रमाणे ‘कराग्रे वसते लक्ष्मी…’ या श्लोकापासून दिनचर्येतील आचार शिकवणे : आपण भावपूर्णरित्या हातांची ओंजळ केल्यावर त्याला कमळाप्रमाणे आकार प्राप्त होऊन आपली बोटे कमळाच्या पाकळ्यांप्रमाणे होतात आणि हे कमळ भगवंताच्या चरणी अर्पण केले जाते.

श्रीकृष्णाने श्री गणेशाची पूजा भावपूर्णरित्या कशी करायची, हे शिकवणे : ‘श्रीकृष्णाचे सौंदर्य दैवी तेजाने नटले आहे’, असे वाटते. हे चित्र आश्रमातील ध्यानमंदिरात बसून काढलेले असल्याने येथील चैतन्यमय वातावरणात श्रीकृष्णाच्या मुखावरील (चेहेर्‍यावरील) देवत्व विशेषत्वाने प्रकट झाले आहे.

प्रत्येक दिवशी देवतेची शक्ती तिच्या तत्त्वानुसार कार्यरत असते, हे श्रीकृष्णाने दाखवणे : वारांशी संबंधित देवता आणि तिला पूरक असलेला कपड्यांचा रंग – शक्तीचा प्रवाह शुद्ध पांढरा ते पिवळा, पिवळा ते तांबूस, तांबूस ते लाल आणि शेवटी गडद लाल होऊन मारक शक्तीचे सगुण रूप धारण करत असल्याचे दाखवले.

श्रीकृष्णाने समृद्ध अशी स्वर्गभूमी दाखवून भोगभूमी आणि योगभूमी यांतील भेद लक्षात आणून देणे : त्याद्वारे श्रीकृष्णाने प्रवृत्ती मार्गाकडे नेणारी ही स्वर्गभूमी आणि निवृत्ती मार्गाकडे नेणारी हिंदूंची पुण्यभूमी, म्हणजेच योगभूमी यांतील भेद साधिकेला सांगितला.

भारतारत साजरा होणारा ‘नवरात्रोत्सव’ अन् पाश्चात्त्य देशांत साजरा होणारा ‘हॉलोविन’ यांमधील भेद : श्रीकृष्णाने प्रिय बालिका भक्तास रज-तम प्रधान आसुरी कृती अन् सत्त्वप्रधान दैवी कृती यांतील भेद आणि त्यांचे परिणाम यांविषयीचे ज्ञान साजर्‍या होणार्‍या दोन सणांच्या स्थूल अन् सूक्ष्म दर्शनाद्वारे करून दिले.