पूर्वजांचे त्रास दूर होण्यासाठी पितृपक्षात दत्ताचा नामजप, प्रार्थना आणि श्राद्धविधी करा !

Article also available in :

 

१. दत्ताचा नामजप करणे

सद्गुरु डॉ. मुकुल गाडगीळ

‘सध्या अनेक साधकांना वाईट शक्तींचे त्रास होत आहेत. पितृपक्षात (२७ सप्टेंबर ते १० ऑक्टोबर २०२६ या काळात) हा त्रास वाढत असल्याने त्या कालावधीत प्रतिदिन ‘ॐ ॐ श्री गुरुदेव दत्त ॐ ।’ हा नामजप न्यूनतम १ घंटा करावा. नामजप या संकेतस्थळावर उपलब्ध करण्यात आला आहे. नामजपासाठीची लिंक – https://www.sanatan.org/mr/a/824.html

जे जिज्ञासू स्वतःला होत असलेला वाईट शक्तींचा त्रास दूर होण्यासाठी नामजपादी उपाय करतात, त्यांनी त्यांच्या उपायांच्या नामजपाच्या व्यतिरिक्त दत्ताचा नामजप न्यूनतम १ घंटा करावा. दत्ताचा नामजप करतांना हाताच्या पाचही बोटांची टोके एकमेकांजवळ आणून; पण त्यांमध्ये थोडेसे अंतर ठेवून अनाहतचक्र आणि मणिपूरचक्र यांठिकाणी न्यास करावा.

जे जिज्ञासू उपाय करत नाहीत, त्यांनी वैयक्तिक आवरणे, स्नान, स्वच्छता-सेवा आदींच्या वेळी दत्ताचा नामजप न्यूनतम १ घंटा होईल, असे पहावे; मात्र पूर्वजांचा त्रास जाणवल्यास त्यांनीही बसून अन् मुद्रा करून दत्ताचा नामजप करावा.

 

२. दत्ताला प्रार्थना करणे

पितृपक्षाच्या कालावधीत पूर्वजांच्या त्रासांपासून रक्षण होण्यासाठी दिवसभरात मधेमधे दत्ताला प्रार्थना करावी.

 

३. ज्यांना शक्य असेल, त्यांनी पितृपक्षात श्राद्धविधी अवश्य करावा.


असे केल्याने पूर्वजांचे त्रास तर दूर होतीलच, त्यासह साधनेसाठी त्यांचा आशीर्वादही मिळेल.’

– (सद्गुरु) डॉ. मुकुल गाडगीळ, सनातन आश्रम, रामनाथी, गोवा. (१०.९.२०२६)