मंगळुरू – आजची युवा पिढी सुसंस्कृत व्हावी, तसेच त्यांच्यामध्ये साधनेचा पाया निर्माण व्हावा आणि ते हिंदु राष्ट्रातील आदर्श साधक बनावेत यांसाठी मंगळुरू येथे सनातन संस्थेच्या वतीने युवा साधकांसाठी ३ ते ५ जानेवारी या कालावधीत शिबिराचे आयोजन करण्यात आले होते. या शिबिरात कर्नाटकातील विविध जिल्ह्यांतील ४५ युवा साधक सहभागी झाले होते.
या शिबिराला सनातन संस्थेचे धर्मप्रचारक पू. रमानंद गौडा यांची वंदनीय उपस्थिती लाभली. शिबिरात ‘जीवनातील साधनेचे महत्त्व, स्वभावदोष आणि अहं निर्मूलन यांचे महत्त्व आणि त्यांचे निर्मूलन कसे करावे ?, स्वतःमधील कौशल्यांची वृद्धी कशी करावी ?’ यासोबतच राष्ट्र-धर्मविषयक मार्गदर्शन करण्यात आले.
पू. रमानंद गौडा यांनी ‘शिक्षण घेत असतांना त्याला साधनेची जोड कशी द्यावी आणि त्यामुळे आपण स्वतःमध्ये कसे योग्य संस्कार निर्माण करू शकतो ?,राष्ट्र आणि धर्म याविषयी प्रेम कसे निर्माण होते ?’ यांविषयी उदाहरणासह मार्गदर्शन केले. यामुळे शिबिरातील युवा साधकांना ‘आपण साधना का करायला हवी’, याविषयी जाणीव होऊन त्यांचे साधना करण्याचे ध्येय निश्चित झाले. ‘आतापर्यंत आपला वेळ वाया गेला’, असे युवा साधकांना वाटले आणि ‘यापुढे वेळ वाया घालवणार नाही’, असे त्यांनी सांगितले.
धारुहेरा (हरियाणा) येथे सनातन संस्थेचे ‘संस्कृती संवर्धन प्रशिक्षण शिबिर’ पार पडले !
सनातन संस्थेच्या वतीने मथुरा येथे ५ दिवसांचा ‘सनातन संस्कार प्रशिक्षण वर्ग’ पार पडला !
चिपळूण-पाग येथील श्री सुकाईदेवी मंदिरात सनातन संस्था आयोजित संस्कार प्रशिक्षण वर्गाला उत्स्फूर्त प्रतिसाद
आध्यात्मिक साधनाच व्यक्तीला तणावमुक्त करू शकते ! – रणजित प्रसाद, सनातन संस्था
सांगली येथे ‘आनंदी जीवनासाठी साधना’ या विषयावर प्रवचनाला महिलांचा उत्स्फूर्त प्रतिसाद !
श्रीरामनवमीच्या निमित्ताने ठिकठिकाणी ‘रामनाम संकीर्तन’ अभियानाचे आयोजन करा !