सनातनचे ग्रंथप्रदर्शन पाहून मला येथून जावेसे वाटत नाही ! – महंत श्री देवनारायणदास वेदांताचार्य महाराज, कानपूर, उत्तरप्रदेश

उजवीकडून महंत श्री वैष्णुदास बिथान आणि महंत श्री देवनारायणदास वेदांताचार्य महाराज यांच्याशी संवाद साधतांना सद्गुरु (डॉ.) चारुदत्त पिंगळे

प्रयागराज (कुंभनगरी) – येथील सनातनचे प्रदर्शन पाहून पुष्कळ प्रसन्नता वाटली. तुम्ही एवढा प्रचार करत आहात, त्यामुळे विश्‍वात तुमच्या कार्याला यश अवश्य मिळेल. या प्रदर्शनात विविध ग्रंथांतून माहिती देऊन तुम्ही हिंदुत्व जागृत करत आहात. मला आतून एवढा आनंद झाला आहे की, येथून मला जावेसे वाटत नाही. तुमच्या गुरुदेवांनी जे पाऊल उचलले आहे, ते चांगले आहे. गीता, भागवत, गंगा, गो, सरस्वती, हिंदुत्व आणि शिष्टाचार समाप्त होत आहेत. ते वाचवण्यासाठी आपण प्रयत्न करत आहात. आपण पुष्कळ श्रम करत आहात, हे पाहून चांगले वाटले, असे प्रतिपादन कानपूर जिल्ह्यातील गोरियापूर गावातील अखिल भारतीय श्रीपंचबारामाई दाडीया खालसाचे महंत श्री देवनारायणदास वेदांताचार्य महाराज यांनी २७ जानेवारी या दिवशी येथे केले.

महंत देवनारायणदास वेदांताचार्य महाराज आणि त्यांच्यासमवेत आलेले महंत श्री वैष्णुदास बिथान (बिहार) यांनी सनातनच्या ग्रंथप्रदर्शनास भेट दिली. त्या वेळी ते बोलत होते. हिंदु जनजागृती समितीचे उत्तरप्रदेश आणि बिहार राज्यांचे समन्वयक श्री. विश्‍वनाथ कुलकर्णी अन् राजस्थान आणि मध्यप्रदेश राज्यांचे समन्वयक श्री. आनंद जाखोटिया यांनी या दोन्ही संतांना ग्रंथप्रदर्शनाची सविस्तर माहिती दिली. या वेळी हिंदु जनजागृती समितीचे राष्ट्रीय मार्गदर्शक सद्गुरु (डॉ.) चारुदत्त पिंगळे यांनी महंत श्री देवनारायणदास वेदांताचार्य महाराज आणि महंत श्री वैष्णवदास बिथान यांचा सन्मान करून त्यांना सनातनचा ‘गंगाजीकी महिमा’ हा ग्रंथ भेट दिला.

संदर्भ : दैनिक सनातन प्रभात