मथुरा : ‘गुरुकुलम् ग्लोबल स्कूल’ येथे सनातन संस्थेच्या वतीने मार्गदर्शन !

आम्ही दिवाळी शास्त्रानुसार साजरी करू ! – ‘गुरुकुलम् ग्लोबल स्कूल’च्या विद्यार्थ्यांनी घेतली शपथ

विद्यार्थ्यांना माहिती सांगतांना कु. पूनम चौधरी

मथुरा (उत्तरप्रदेश) – ‘गुरुकुलम् ग्लोबल स्कूल’मधील विद्यार्थ्यांना शास्त्रानुसार दिवाळी कशी साजरी करावी आणि देवीदेवता, तसेच राष्ट्रवीर यांचे फटाक्यांच्या माध्यमातून होणारे विडंबन कसे टाळावे, यांविषयी सनातन संस्थेच्या वतीने कु. पूनम चौधरी यांनी मार्गदर्शन केले. यामध्ये १०० हून अधिक विद्यार्थ्यांनी सहभाग घेतला. ‘आम्ही शास्त्रानुसार दिवाळी साजरी करू आणि देवीदेवतांचा अवमान करणार नाही’, अशी शपथही विद्यार्थ्यांनी याप्रसंगी घेतली. शाळेच्या मुख्याध्यापिका श्रीमती प्रतिभा सिंह म्हणाल्या, ‘सनातन संस्थेच्या माध्यमातून विद्यार्थ्यांना सणाविषयी पुष्कळ चांगली माहिती सांगण्यात आली आणि भविष्यातही असे कार्यक्रम आयोजित करू.’

याप्रसंगी श्रीमती सिंह यांनी शाळेच्या ग्रंथालयासाठी सनातन संस्थेच्या विविध ग्रंथांची मागणी केली.