Home > कार्य > राष्ट्ररक्षण > सद्गुरु अनुराधा वाडेकर यांच्या शुभहस्ते मुंबईत श्री महागणपति आणि भूमी पूजन !

सद्गुरु अनुराधा वाडेकर यांच्या शुभहस्ते मुंबईत श्री महागणपति आणि भूमी पूजन !

१७ मे या दिवशी असलेल्या श्री राजमातंगी महायज्ञानिमित्त…

मुंबई, १० मे (वार्ता.) – सध्याच्या युद्धकाळात तपोभूमी भारताला संरक्षककवच लाभावे आणि भारताची सर्वांगीण अभिवृद्धी व्हावी, यासाठी सनातन संस्थेच्या वतीने ‘श्री राजमातंगी महायज्ञ’ १७ मे या दिवशी आयोजित केला आहे.

श्री राजमातंगी महायज्ञानिमित्त श्री महागणपति आणि भूमी पूजन करतांना सनातन संस्थेच्या धर्मप्रचारक सद्गुरु अनुराधा वाडेकर, पौरोहित्य करतांना श्री. श्रेयस पिसोळकर आणि सनातन संस्थेच्या पू. (सौ.) संगीता जाधव

श्री गणेशाच्या कृपाशीर्वादाने हा यज्ञसोहळा निर्विघ्नपणे पार पडावा, यासाठी सनातन संस्थेच्या धर्मप्रचारक सद्गुरु अनुराधा वाडेकर यांच्या शुभहस्ते ७ मे या दिवशी यज्ञाच्या नियोजित पटांगणावर विघ्नहर्ता श्री महागणपति आणि भूमाता यांचे पूजन करण्यात आले. या वेळी सनातन संस्थेच्या पू. (सौ.) संगीता जाधव यांचीही वंदनीय उपस्थिती लाभली. या प्रसंगी सनातनचे साधकही उपस्थित होते.

सनातनचे साधक पुरोहित श्री. श्रेयस पिसोळकर यांनी या पूजाविधीचे पौरोहित्य केले. या वेळी उपस्थित साधकांनी चैतन्य आणि आनंद अनुभवून श्री राजमातंगीदेवीचे अस्तित्व अन् आशीर्वाद यांची अनुभूती घेतली. १७ मे या दिवशी प्रभादेवी येथील श्रीसिद्धिविनायक मंदिराच्या मागे असलेल्या नर्दुल्ला टँक पटांगणात दुपारी ३.३० ते सायंकाळी ७.३० या वेळेत हा महायज्ञ होणार आहे.

संबंधित लेख

Leave a Comment