ग्रेटर नोएडा (उत्तरप्रदेश) आणि गाझियाबाद (राष्ट्रीय राजधानी क्षेत्र) येथे आयोजित केलेल्या ‘विशाल हिंदु परिषदे’त सनातन संस्थेचे ग्रंथप्रदर्शन

उत्तरप्रदेश – राष्ट्रीय स्वयंसेवक संघाने आयोजित केलेल्या ‘विशाल हिंदु परिषदे’त सनातन संस्थेने ग्रेटर नोएडा येथील जगदंबा मातृ उमा मंदिर आणि राष्ट्रीय राजधानी क्षेत्रातील (देहली) गाझियाबाद येथे असलेल्या आदित्य वर्ल्ड सिटी येथे ग्रंथ अन् फ्लेक्स प्रदर्शन आयोजित केले होते. या प्रदर्शनाचा ३०० हून अधिक जिज्ञासूंनी लाभ घेतला.

वैशिष्ट्यपूर्ण

विशाल हिंदु परिषदेच्या आयोजन समितीचे सदस्य आणि रा.स्व. संघाचे कार्यकर्ते श्री. आशिष भारती यांनी सनातन संस्थेच्या प्रदर्शनाचे कौतुक केले. ते म्हणाले, ‘‘तुमच्या या ग्रंथांमुळे येणार्‍या पिढीला सनातन धर्माविषयी माहिती होईल. जिथे जिथे हिंदु परिषदेचे कार्यक्रम होत असतील, तिथे तुमचे प्रदर्शन नक्कीच भरवले पाहिजे; कारण मला वाटते की अशा प्रदर्शनांमुळे सनातन धर्माचे ज्ञान पुढच्या पिढीपर्यंत पोचेल.’’

मथुरा (उत्तरप्रदेश) येथे राष्ट्रीय स्वयंसेवक संघ आयोजित ‘विराट हिंदु परिषदे’त सनातन संस्थेचे ग्रंथप्रदर्शन

मथुरा (उत्तरप्रदेश) – मथुरा येथील गोविंदनगर भागात राष्ट्रीय स्वयंसेवक संघाच्या वतीने आयोजित ‘विराट हिंदु परिषदे’त सनातन संस्थेच्या ग्रंथप्रदर्शनाचे आयोजन करण्यात आले होते. या कार्यक्रमामध्ये ३०० हून अधिक जण सहभागी झाले होते. या कार्यक्रमाला संत श्री हरिदास पीठाधीश्वर आणि संत श्री मोहिनी बिहारी शरण महाराज उपस्थित होते. सनातन संस्थेचे साधक श्री. भूपेश शर्मा यांनी संत श्री हरिदास पीठाधीश्वर आणि संत श्री मोहिनी बिहारी शरण महाराज यांची भेट घेतली अन् त्यांना हिंदी भाषेतील ‘सनातन पंचांग २०२६’, तसेच हिंदी भाषेतील पाक्षिक ‘सनातन प्रभात’ भेट दिले.

क्षणचित्र : संत श्री हरिदास पीठाधीश्वर आणि संत श्री मोहिनी बिहारी शरण महाराज यांनी सनातन संस्थेच्या ग्रंथप्रदर्शनाला भेट दिली. या दोघांनीही सनातनच्या साधकांना त्यांच्या आश्रमात येण्याचे निमंत्रण दिले आहे.