आज आपण स्वभावदोष निर्मूलनाचे महत्त्व काय आहे ?, हे जाणून घेणार आहोत. कोणत्याही साधनामार्गाने साधना केली, तरी स्वभावदोष (षड्रिपू) निर्मूलन झाल्याशिवाय साधनेत प्रगती होत नाही. साधनेत प्रगती होणे म्हणजे काय, तर आपला मोक्षाच्या दिशेने प्रवास होणे ! परिस्थिती कशीही असली, तरी आतून आनंद अनुभवता येणे !

मागील सत्संगात आपण भाव म्हणजे काय ?, भाव आणि भावना यांमध्ये असलेला भेद , तसेच भावजागृतीच्या प्रयत्नांमध्ये मानसपूजेचे महत्त्व आणि ती कशी करायची हे समजून घेतले होते. ‘भाव तेथे देव’ असल्याने नामजप, प्रार्थना, कृतज्ञता यांच्या जोडीला मानसपूजा असे भावजागृतीचे प्रयत्न करून भगवंताच्या अखंड अनुसंधानात रहाणे कसे शक्य होते याविषयी शिकलो. आज आपण स्वभावदोष निर्मूलन करण्याचे महत्त्व विस्ताराने जाणून घेण्याचा प्रयत्न करूया.

कोणत्याही साधनामार्गाने साधना केली, तरी स्वभावदोष (षड्रिपू) निर्मूलन झाल्याशिवाय साधनेत प्रगती होत नाही. सोप्या भाषेत समजून घ्यायचे, तर आध्यात्मिक उन्नती म्हणजे ईश्वराशी एकरूप होण्याच्या प्रक्रियेत उन्नती होणे. ईश्वराशी एकरूप व्हायचे असेल, तर दोषरहित आणि गुणवान ईश्वराप्रमाणे होण्यासाठी स्वभावदोष निर्मूलनासाठी प्रयत्न करणे आवश्यक आहे.

मागील सत्‍संगात आपण सत्‍संग म्‍हणजे काय ? आणि सत्‍संगाचा आपल्‍याला कसा लाभ होतो ? याविषयी समजून घेतले होते. आजच्‍या सत्‍संगात आपण साधनेची अंगे कोणती आहेत याविषयी जाणून घेणार आहोत.