विविध प्रकारच्या धुतलेल्या अन् न धुतलेल्या नवीन आणि वापरलेल्या वस्त्रांची तुलना

अनुक्रमणिका

१. न धुतलेले (मलीन) आणि धुतलेले कपडे (धूतवस्त्र) वापरल्यामुळे होणारे परिणाम अन् त्या संदर्भातील सूक्ष्म-ज्ञानविषयक चित्रे

१ अ. न धुतलेले कपडे घातल्याने होणारे सूक्ष्मातील दुष्परिणाम दर्शवणारे चित्र

१ आ. धुतलेले कपडे घातल्याने होणारे सूक्ष्मातील लाभ दर्शवणारे चित्र

२. धुतलेले अन् न धुतलेले नवीन सुती वस्त्र, तसेच वापरून धुतलेले आणि वापरून न धुतलेले; पण वापरलेले सुती वस्त्र

३. धुतलेले अन् न धुतलेले नवीन कौशेय वस्त्र, तसेच वापरून धुतलेले आणि वापरून न धुतलेले; पण वापरलेले कौशेय वस्त्र

४. धुतलेली आणि न धुतलेली वल्कले

५. कृत्रिम धाग्यांपासून (नायलॉन, टेरिलिन, रेयॉन आणि पॉलिस्टर यांपासून) बनवलेले कपडे

५ अ. कृत्रिम धाग्यांत असलेल्या रासायनिक घटकांमुळे ईश्वरी तत्त्वाचा लाभ अल्प प्रमाणात होणे

५ आ. कृत्रिम धाग्यांपासून बनवलेली वस्त्रे रज-तमाला आकर्षून घेणारी असल्याने त्यांवर वाईट शक्तींचे आक्रमण होण्याची तीव्रता सर्वांत जास्त असणे

६. नायलॉन, रेयॉन, लोकर, सुती आणि रेशमी वस्त्र

---

धुतलेले कपडे घातल्यामुळे देवतांची स्पंदने कपडे आणि व्यक्ती यांच्याकडे आकृष्ट होतात. ही आकृष्ट झालेली देवतांची स्पंदने कपड्यांच्या माध्यमातून व्यक्तीला प्राप्त होतात. ही प्रक्रिया कशी होते, त्याविषयी पाहू.

१. न धुतलेले (मलीन) आणि धुतलेले कपडे (धूतवस्त्र)
वापरल्यामुळे होणारे परिणाम अन् त्या संदर्भातील सूक्ष्म-ज्ञानविषयक चित्रे

‘मलीनतेत मोठ्या प्रमाणात रज-तमात्मक लहरी घनीभूत स्तरावर एकत्रित झालेल्या असतात. मलीन वस्त्रातील रज-तमात्मक लहरींच्या स्पर्शाने स्थूलदेहाला, तसेच मनोदेहाला दूषितता प्राप्त होऊन देह अनेक दुष्ट व्याधींनी आणि मन अनेक असात्त्विक विचारांनी ग्रासण्याची शक्यता असते; म्हणून मलीन कपडे घालणे टाळावे. धूतवस्त्राच्या स्पर्शाने सत्त्वगुणाचे देहात संवर्धन होण्यास साहाय्य होते आणि जीव संस्कारजन्य बनून आध्यात्मिक ध्येयाकडे वाटचाल करतो; म्हणून नेहमी धूतवस्त्र परिधान करावे.’ – सूक्ष्म-जगतातील एक विद्वान (सौ. अंजली गाडगीळ यांच्या माध्यमातून, माघ कृष्ण एकादशी, कलियुग वर्ष ५११० (३.३.२००८, सकाळी १०.४०)

१ अ. न धुतलेले कपडे घातल्याने होणारे सूक्ष्मातील दुष्परिणाम दर्शवणारे चित्र

१. चित्रातील त्रासदायक स्पंदने : ’३ टक्के ’ – प.पू. डॉ. आठवले

२. ‘सूक्ष्म-ज्ञानविषयक चित्रातील स्पंदनांचे प्रमाण : त्रासदायक शक्ती ३ टक्के आणि काळी शक्ती ३.२५ टक्के

३. इतर सूत्रे

अ. व्यक्ती ज्या वेळी कपडे परिधान करते, त्या वेळी तिच्या देहातून उत्सर्जित होणारा वायू कपड्यांमध्ये साठून रहातो, तसेच देहातून उत्सर्जित होणारा घाम कपड्यांतील कणाकणांत सामावून रहातो.

अ १. शरिरातून उत्सर्जित होणार्‍या वायूमुळे कालांतराने कपड्यांना दुर्गंध येतो.

अ २. देहातून प्रक्षेपित होणार्‍या दुर्गंधामुळे वातावरणातील काळी शक्ती कपड्याकडे आकृष्ट होते.

आ. न धुतलेले कपडे वापरल्यामुळे होणारे दुष्परिणाम

आ १. त्या कपड्यांकडे आकृष्ट झालेल्या काळ्या शक्तीला देहावर आक्रमण करणे सोपे जाते.

आ २. देह, मन आणि बुद्धी यांवर काळ्या शक्तीचे आवरण येऊन निरूत्साह येतो.

आ ३. शारीरिक, मानसिक आणि आध्यात्मिक या तीनही स्तरांवर त्रास होतात. यामध्ये मानसिक आणि आध्यात्मिक त्रासांचे प्रमाण अधिक असते.

आ ४. देहातील सप्तचक्रांवरही परिणाम होऊन त्यांवर काळ्या शक्तीचे आवरण येते.

आ ५. त्या कपड्यांतून प्रक्षेपित होणारी त्रासदायक स्पंदने पहाणार्‍या व्यक्तीकडेही प्रक्षेपित होतात.’

– कु. प्रियांका लोटलीकर, सनातन संस्था (वैशाख कृ. ६, कलियुग वर्ष ५११३ (२३.५.२०११)

१ आ. धुतलेले कपडे घातल्याने होणारे सूक्ष्मातील लाभ दर्शवणारे चित्र

१. चित्रातील चांगली स्पंदने : २ टक्के’ – प.पू. डॉ. आठवले

२. ‘सूक्ष्म-ज्ञानविषयक चित्रातील स्पंदनांचे प्रमाण : ईश्वरी तत्त्व ०.२५ टक्का, आनंद १.०५ टक्का, सगुण चैतन्य १.२५ टक्का आणि कार्यशक्ती (शक्ती) २ टक्के

३. इतर सूत्रे

अ. मानवाचे रक्षण होणे

अ १. कपडे मानवाचे उन, पाऊस, थंडी आदींपासून रक्षण करतात, तसेच कपड्यांमुळे मानवाचे वाईट शक्तींपासूनही रक्षण होते.

अ २. मानवाच्या देहावर असणार्‍या कपड्यांच्या आवरणामुळे अल्प शक्तींच्या वाईट शक्तींना मानवाच्या देहावर प्रत्यक्ष आक्रमण करता येत नाही. त्यामुळे एखाद्या व्यक्तीवर आक्रमण करण्यापूर्वी वाईट शक्तींना प्रथम त्यांच्या कपड्यांवर आक्रमण करावे लागते.

आ. कपड्यांमध्ये देवतांची स्पंदने सामावून रहाणे : धुतलेले कपडे घातल्यामुळे देवतांची स्पंदने कपडे आणि व्यक्ती यांच्याकडे आकृष्ट होतात. तसेच ही आकृष्ट झालेली देवतांची स्पंदने कपड्यांच्या धाग्यांमध्ये सामावून रहातात आणि पुढे व्यक्तीला प्राप्त होतात.

इ. कपडे धुण्याच्या प्रक्रियेमुळे आप, वायू आणि तेज तत्त्वे व्यक्तीला प्राप्त होणे : कपडे धुण्याच्या प्रक्रियेमध्ये पाण्याच्या माध्यमातून कपड्यांचा आपतत्त्वाशी संपर्क येतो आणि आपतत्त्वामुळे कपड्यांतील काळी शक्ती नष्ट होते. तसेच कपडे वाळवण्याच्या प्रक्रियेमध्ये कपड्यांचा वायूतत्त्वाशी संपर्क येतो आणि कपडे उन्हात वाळवल्यास तेजतत्त्व कपड्यांमध्ये आकृष्ट होते. अशा प्रकारे कपड्यांमध्ये आकृष्ट झालेली तत्त्वे कपड्यांच्या माध्यमातून व्यक्तीला प्राप्त होतात.

ई. देह, मन आणि बुद्धी यांवरील काळ्या शक्तीचे आवरण दूर होणे : धुतलेले कपडे घातल्यामुळे व्यक्तीच्या देह, मन आणि बुद्धी यांवरील काळ्या शक्तीचे आवरण दूर होऊन तिला कार्य करण्यासाठी उत्तेजन मिळते.

उ. धुतलेले कपडे घातल्यामुळे होणारे लाभ : शारीरिक १.२५ टक्के, मानसिक २ टक्के आणि आध्यात्मिक २ टक्के’

– कु. प्रियांका लोटलीकर, सनातन संस्था (पौष कृ. ३, कलियुग वर्ष ५११२ (२२.१.२०११)

२. धुतलेले अन् न धुतलेले नवीन सुती वस्त्र, तसेच
वापरून धुतलेले आणि वापरून न धुतलेले; पण वापरलेले सुती वस्त्र

३. धुतलेले अन् न धुतलेले नवीन कौशेय वस्त्र, तसेच
वापरून धुतलेले आणि वापरून न धुतलेले; पण वापरलेले कौशेय वस्त्र

टीप १ – धुतलेले नवीन वस्त्र व्यक्तीगत स्पंदने आणि मलीनता यांनी भारित नसल्याने त्याचे सत्त्वगुण आकृष्ट करण्याचे प्रमाण जास्त असते. त्यामुळे वापरलेल्या कौशेय (रेशमी) वस्त्रापेक्षा धुतलेल्या नवीन कौशेय (रेशमी) वस्त्रावर काळे आवरण येण्याचे प्रमाण अल्प असते.

टीप २ – वस्त्र सात्त्विक असले, तरी ते न धुतल्याने त्यावर आलेल्या रज-तमामुळे त्याची सत्त्वलहरी ग्रहण करण्याची क्षमता अल्प होते. त्यामुळे त्या वस्त्रावर होणार्‍या आक्रमणांचे प्रमाण धुतलेल्या नवीन कौशेय वस्त्राच्या तुलनेत जास्त असते.

टीप ३ – कौशेय वस्त्राकडे आकर्षिल्या जाणार्‍या सत्त्वलहरींचे प्रमाण जास्त असल्याने आक्रमणाचे प्रमाण सुती वस्त्रापेक्षा अल्प असते.

टीप ४ – न धुतलेल्या वस्त्रात मलीनतेचे प्रमाण जास्त असल्याने त्याकडे आकर्षिल्या जाणार्‍या सत्त्वलहरींच्या प्रवाहाला अडथळा प्राप्त होऊन त्यावर येणार्‍या काळ्या आवरणाचे प्रमाण वाढते.

४. धुतलेली आणि न धुतलेली वल्कले

आपले पूर्वीचे ऋषीमुनी वल्कले नेसत. त्या संदर्भात पाश्चात्त्य टीकाकार अज्ञानाने लिहितात, ‘ऋषीमुनी रानटी अवस्थेतील होते; त्यामुळे ते वल्कले नेसत.’ वल्कलांमध्ये असणारी वाईट शक्तींचा अवरोध आणि चैतन्य प्रक्षेपण करण्याची क्षमता पाहिल्यावर ऋषीमुनींची ही कृती अध्यात्मदृष्ट्या किती परिपूर्ण होती, हे कळते. यावरून ऋषीमुनींची योग्यता आणि हिंदु संस्कृतीची महानता, दोन्ही लक्षात येते.’ – एक विद्वान (सौ. अंजली गाडगीळ यांच्या माध्यमातून, १८.९.२००६, दुपारी ३.५०)

५. कृत्रिम धाग्यांपासून (नायलॉन, टेरिलिन, रेयॉन आणि पॉलिस्टर यांपासून) बनवलेले कपडे

५ अ. कृत्रिम धाग्यांत असलेल्या रासायनिक घटकांमुळे ईश्वरी तत्त्वाचा लाभ अल्प प्रमाणात होणे

‘टेरिलिन, पॉलिस्टर, नायलॉन यांसारख्या कापडांमध्ये रासायनिक घटक असल्याने त्यांत ईश्वरी चैतन्य ग्रहण होण्याचे प्रमाण अल्प असते. त्यामुळे ईश्वरी तत्त्वाचा लाभ अल्प प्रमाणात होतो.’ – एक अज्ञात शक्ती (सौ. रंजना गौतम गडेकर यांच्या माध्यमातून, फाल्गुन कृष्ण द्वितीया, कलियुग वर्ष ५११० (२५.३.२००८, पहाटे ३.५०)

५ आ. कृत्रिम धाग्यांपासून बनवलेली वस्त्रे रज-तमाला आकर्षून घेणारी
असल्याने त्यांवर वाईट शक्तींचे आक्रमण होण्याची तीव्रता सर्वांत जास्त असणे

‘कृत्रिम धाग्यांतील जडत्वाकर्षण शक्तीच्या (रज-तमाला आकर्षून घेणार्‍या शक्तीच्या) प्रभावामुळे पॉलिस्टर, नायलॉन, रेयॉन यांसारख्या धाग्यांनी बनवलेले वस्त्र वापरू नये. या धाग्यांनी युक्त वस्त्रांवर वाईट शक्तींचे आक्रमण होण्याची तीव्रता सर्वांत जास्त असते; म्हणून ही वस्त्रे पूजाविधीत निषिद्ध मानली जातात.’ – एक विद्वान (सौ. अंजली गाडगीळ यांच्या माध्यमातून, १७.९.२००६, रात्री १०.४७)

६. नायलॉन, रेयॉन, लोकर, सुती आणि रेशमी वस्त्र

संदर्भ : सनातन-निर्मित ग्रंथ ‘कपडे आध्यात्मिकदृष्ट्या कसे असावेत ?’