सनातन संस्था आणि हिंदु जनजागृती समिती आयोजित ‘ऑनलाईन’ गुरुपौर्णिमा महोत्सव !

सनातन संस्था आणि हिंदु जनजागृती समिती यांच्या वतीने प्रतिवर्षी गुरुपौर्णिमा महोत्सव सर्वत्र मोठ्या प्रमाणात साजरा केला जातो. या वर्षी कोरोनामुळे सर्वत्र दळणवळण बंदी लागू आहे. त्यामुळे या वर्षी प्रत्यक्ष गुरुपौर्णिमा महोत्सव साजरा करता येणार नसला, तरी श्रीगुरूंच्या कृपेमुळे आपल्याला जिज्ञासूंसाठी ‘ऑनलाईन’च्या माध्यमातून गुरुपौर्णिमा सोहळ्याच्या या पर्वणीचा लाभ मिळणार आहे. गुरुपौर्णिमेच्या दिनी १ सहस्र पटींनी कार्यरत असलेल्या गुरुतत्त्वाचा लाभ होण्यासाठी या ‘ऑनलाईन’ गुरुपौर्णिमा महोत्सवाचा सर्वांनी लाभ घ्यावा. गुरु हे तत्त्व आहे, त्यामुळे आपण या गुरुतत्त्वाचा लाभ कुठेही असलो, तरी तो आपल्याला घेता येणार आहे.