रामनाथी आश्रमात स्वामी मच्छिंद्रनाथ प्रवीणराजबाबाजी यांनी केले मृत्यूंजय याग, उग्रप्रत्यंगिरा याग आणि नवग्रह याग !

रामनाथी (गोवा) – मंगळुरू (कर्नाटक) येथील स्वामी मच्छिंद्रनाथ प्रवीणराजबाबाजी यांनी येथील सनातनच्या आश्रमात मृत्यूंजय याग, उग्रप्रत्यंगिरा याग आणि नवग्रह याग केले. ‘हिंदु राष्ट्र स्थापनेच्या कार्यातील अडथळे दूर व्हावेत, परात्पर गुरु डॉ. आठवले यांच्यावर आलेला महामृत्यूयोग टळावा आणि साधकांच्या साधनेत येत असलेले अडथळे दूर व्हावेत’, या उद्देशाने २० ऑक्टोबर या दिवशी हे यज्ञ करण्यात आले. या यज्ञाला सनातन संस्थेच्या संतांची वंदनीय उपस्थिती लाभली. स्वामी मच्छिंद्रनाथ प्रवीणराजबाबाजी यांच्यासह त्यांच्या शिष्यांनी यज्ञाचे पौरोहित्य केले.

संदर्भ : दैनिक सनातन प्रभात