नांदेड सिटी (पुणे) येथे जिज्ञासूंनी घेतला ‘आनंदी जीवनासाठी अध्यात्म’ प्रवचनाचा लाभ

पुणे – आजच्या धावपळीच्या जीवनात तणावमुक्त होऊन खरा आनंद मिळवायचा असेल, तर अध्यात्म आणि साधना यांचा अवलंब करणे अनिवार्य आहे. मनुष्यजन्माचे सार्थक करण्यासाठी प्रत्येक श्वासागणिक नामजप करून ‘ईश्वरप्राप्ती’ हेच अंतिम ध्येय ठेवावे, असे विधान सनातन संस्थेच्या डॉ. ज्योती काळे यांनी केले.

सिंहगड रस्ता येथील नांदेड सिटीमधील श्री स्वामी समर्थ मठ आणि महाअवतार बाबा मठ येथे आयोजित प्रवचनात त्या बोलत होत्या. या कार्यक्रमाचा लाभ १५० हून अधिक जिज्ञासूंनी घेतला. उपस्थित अनेकांनी शंकांचे निरसन करून घेऊन साधना करण्याचा निश्चय केला.

या वेळी महाराष्ट्रात महाअवतार बाबाजींचे मठ स्थापन करणारे संत गुरुश्री यांचा सत्कार सनातनचे धर्मप्रेमी श्री. बाळकृष्ण घोरपडे यांनी केला.