Home > सनातन वृत्तविशेष > सनातन राष्ट्र शंखनाद महोत्सव > देहलीतील सनातन राष्ट्र शंखनाद महोत्सवात सोमनाथ येथील प्राचीन शिवलिंगाच्या अवशेषांचे दर्शन होणार !

देहलीतील सनातन राष्ट्र शंखनाद महोत्सवात सोमनाथ येथील प्राचीन शिवलिंगाच्या अवशेषांचे दर्शन होणार !

जी.के. सीतारामन् शास्त्री यांना निमंत्रण देतांना श्रीचित्‌‌शक्ति सौ. अंजली मुकुल गाडगीळ

तंजावूर (तमिळनाडू) – अलीकडेच सनातन संस्थेचे संस्थापक सच्चिदानंद परब्रह्म डॉ. जयंत आठवले यांच्या एक आध्यात्मिक उत्तराधिकारी श्रीचित्‌‌शक्ति सौ. अंजली मुकुल गाडगीळ यांनी तंजावूर येथील कलांचेरी येथे असलेल्या ‘श्री वेदविद्या गुरुकुलम्’ला भेट दिली. तेथे त्यांनी वेदप्रचाररत्नम् ज्योतिष विद्यारत्नम् जी.के. सीतारामन् शास्त्री यांची भेट घेऊन त्यांना देहली येथे १३ आणि १४ डिसेंबरला होणार्‍या सनातन राष्ट्र शंखनाद महोत्सवाचे निमंत्रण दिले.

सोमनाथ येथील प्राचीन शिवलिंग

सीतारामन् शास्त्री यांचे पूर्वज प्राचीन सोमनाथ शिवलिंगाच्या अवशेषांचे आदरणीय संरक्षक होते. भेटीच्या प्रसंगी श्रीचित्‌‌शक्ति सौ. अंजली गाडगीळ यांनी पवित्र शिवलिंगाला अभिषेक केला आणि या दिव्य वारशाच्या वंशावळी अन् महत्त्व यांविषयी जी.के. सीतारामन्जी यांच्याशी आध्यात्मिक संवाद साधला.

शिवलिंगाचा अभिषेक करतांना श्रीचित्‌‌शक्ति सौ. अंजली मुकुल गाडगीळ

वेदकुलपती जी.के. सीतारामन्जी यांनी महोत्सवाचे निमंत्रण स्वीकारले असून ते पवित्र सोमनाथ शिवलिंगाचे अवशेषही महोत्सवासाठी आणणार आहेत. यामुळे भाविकांना या पवित्र वारशाचे साक्षीदार होता येईल.

राजस्थान येथील प्रसिद्ध मेहंदीपूर बालाजी मंदिराचे सिद्धपीठाधीश्‍वर श्रीनरेशपुरी महाराज यांना निमंत्रण !

डावीकडून श्री. आनंद जाखोटिया, श्रीचित्‌‌शक्ति सौ. अंजली मुकुल गाडगीळ आणि निमंत्रण स्वीकारतांना श्रीनरेशपुरी महाराज
श्रीचित्‌‌शक्ति सौ. अंजली मुकुल गाडगीळ यांनी जयपूरच्या प्रसिद्ध मेहंदीपूर बालाजी मंदिराला भेट दिली. या प्रसंगी त्यांनी सिद्धपीठाधीश्‍वर श्रीनरेशपुरी महाराज यांनाही महोत्सवाचे निमंत्रण दिले.

 

संबंधित लेख

Leave a Comment