‘सनातन राष्ट्र शंखनाद महोत्सवा’ला उपस्थित रहाणार !

मुख्यमंत्री देवेंद्र फडणवीस यांचे आश्वासन

मुंबई – सनातन संस्थेच्या वतीने गोवा येथे होणार्‍या ‘सनातन राष्ट्र शंखनाद महोत्सवा’ला उपस्थित रहाण्याचे आश्वासन मुख्यमंत्री देवेंद्र फडणवीस यांनी दिले आहे. या कार्यक्रमाचे निमंत्रण देण्यासाठी सनातन संस्थेचे प्रवक्ते श्री. अभय वर्तक यांनी नुकतीच श्री. देवेंद्र फडणवीस यांची भेट घेतली. १७ ते १९ मे या कालावधीत गोवा येथील फोंडा येथील फर्मागुडी अभियांत्रिकी महाविद्यालयाच्या मैदानावर हा महोत्सव साजरा होणार आहे. ‘या कार्यक्रमाला अवश्य उपस्थित राहू’, असे देवेंद्र फडणवीस यांनी म्हटले. या वेळी हिंदु जनजागृती समितीचे महाराष्ट्र आणि छत्तीसगड राज्यांचे संघटक श्री. सुनील घनवट आणि भाजपचे आमदार डॉ. परिणीत फुके उपस्थित होते.