सातारा येथील सनातनची साधिका कु. राधा कोल्हापुरे हिला आंतरशालेय खो-खो स्पर्धेत सुवर्णपदक प्राप्त !

सातारा, २ जानेवारी (वार्ता.) – येथील सनातनची साधिका कु. राधा राहुल कोल्हापुरे हिने आंतरशालेय क्रीडा स्पर्धेतील खो-खो या सांघिक प्रकारात सुवर्णपदक मिळवले आहे. कु. राधा ही सातारा येथील दैनिक ‘सनातन प्रभात’चे वार्ताहर श्री. राहुल कोल्हापुरे यांची ज्येष्ठ कन्या असून सध्या ती इयत्ता ७ वीमध्ये शिकत आहे.

ती सनातनच्या मार्गदर्शनानुसार साधना करते. ‘सनातन संस्थेचे संस्थापक सच्चिदानंद परब्रह्म डॉ. आठवले यांच्यामुळेच मी हे यश मिळवू शकले’, असे सांगत तिने यशाचे श्रेय आई-वडील आणि गुरुजन यांना दिले आहे.