सनातन संस्थेचे ‘श्राद्ध रिच्युअल्स’ (Shraddh Rituals) अ‍ॅप आणि हिंदु जनजागृती समितीच्या नव्या स्वरूपातील ‘अँड्रॉइड अ‍ॅप’ यांचे लोकार्पण

फोंडा (गोवा) – सनातन संस्थेचे नवीन ‘श्राद्ध रिच्युअल्स’ (Shraddh Rituals) अ‍ॅप आणि हिंदु जनजागृती समितीचे नव्या स्वरूपातील ‘अँड्रॉइड अ‍ॅप’ यांचे हिंदु जनजागृती समितीचे धर्मप्रचारक पू. नीलेश सिंगबाळ यांच्या हस्ते २ सप्टेंबर या दिवशी लोकार्पण करण्यात आले. सनातन संस्थेचे ‘श्राद्ध रिच्युअल्स’ हे अ‍ॅप श्राद्ध विधीसंबंधी असून ते मराठी, हिंदी, इंग्रजी आणि कन्नड या ४ भाषांत, तर हिंदु जनजागृती समितीचे नव्या स्वरूपातील अ‍ॅप मराठी, हिंदी आणि इंग्रजी या ३ भाषांत उपलब्ध आहे. ही दोन्ही अ‍ॅप्स ‘प्ले स्टोअर’वर निःशुल्क उपलब्ध आहेत. ‘सनातन प्रभात’चे वाचक, सनातन संस्था आणि हिंदु जनजागृती समिती संकेतस्थळाचे वाचक, जिज्ञासू, धर्मप्रेमी, विज्ञापनदाते आणि हितचिंतक यांनी ‘हे अ‍ॅप भ्रमणभाषमध्ये ‘डाऊनलोड’ करून यातील अमूल्य ज्ञानाचा लाभ करून घ्यावा, तसेच आपले परिचित, नातेवाईक यांनाही डाऊनलोड करायला सांगावे’, असे आवाहन या दोन्ही संस्थांच्या वतीने करण्यात आले आहे.