सनातन संस्थेची ४ फेसबूक पाने अचानक झाली बंद

गोवा – २ सप्टेंबरला रात्री ११.५७ मिनिटांपासून सनातन संस्थेची फेसबूकची अधिकृत ‘सनातन संस्था’, ‘सनातन संस्था इंग्रजी’, सनातन संस्थेचे ‘प्रोफाईल पेज’ आणि ‘सनातन संस्था बेळगाव’ अशी एकूण ४ पाने अचानक दिसणे बंद झाले आहे. या फेसबूक पानांवरून नियमित धर्मशास्त्र, अध्यात्म, साधना आदि विषयांविषयी पोस्ट करण्यात येत होत्या. तसेच कोरोना महामारीच्या काळात दर्शकांना आधार देणारे आणि साधना शिकवणारे ‘ऑनलाईन सत्संगां’चे देखील नियमित प्रक्षेपण करण्यात येत होते. ही फेसबूक पाने बंद होण्यामागील कारण अद्याप कळू शकले नाही.

दर्शकांना निवेदन

‘ऑनलाईन सत्संगां’चे प्रक्षेपण सनातन संस्थेचे फेसबूक पान बंद असेपर्यंत Youtube.com/SanatanSanstha1 या सनातन संस्थेच्या अधिकृत यू-ट्यूब चॅनलवर दर्शक पाहू शकतात. तसेच नियमित पोस्ट केल्या जाणार्‍या विषयांचे नोटीफिकेशन मिळवण्यासाठी सनातन संस्थेचे खालील अ‍ॅप डाऊनलोड करा.

संदर्भ : दैनिक सनातन प्रभात