चिंचवड (पुणे) येथील पू. (श्रीमती) सुलभा जोशीआजी (वय ७९ वर्षे) संतपदी विराजमान !

धूलिवंदनाच्या दिवशी पुणे येथील साधक भक्तीरंगात न्हाले !

चिंचवड (पुणे) – धूलिवंदनाचा दिवस येथील साधकांसाठी भावभक्तीच्या विविध रंगांची उधळण करणारा ठरला ! निमित्त होते सनातन संस्थेच्या धर्मप्रसारक सद्गुरु (कु.) स्वाती खाडये यांच्या आयोजित करण्यात आलेल्या मार्गदर्शनाचे ! या आध्यात्मिक सोहळ्यात श्रीमती सुलभा जोशीआजी (वय ७९ वर्षे) यांना सनातनच्या १०४ व्या संत (व्यष्टी संत) म्हणून घोषित करण्यात आले. ही आनंदवार्ता ऐकताच उपस्थित सर्व साधकांची भावजागृती झाली. सद्गुरु (कु.) स्वाती खाडये यांच्या हस्ते पुष्पहार घालून सन्मान करण्यात आला.