सातारा – नागेवाडी (जिल्हा सातारा) येथे सनातन संस्थेच्या वतीने श्री गणेश जयंतीचे औचित्य साधून हळदी-कुंकवाच्या कार्यक्रमाचे आयोजन करण्यात आले होते. या वेळी सनातन संस्थेच्या सौ. योजना जाधव यांनी उपस्थित जिज्ञासूंना साधनेविषयी मार्गदर्शन केले. साधनेचा विषय कळल्यामुळे स्थानिक जिज्ञासूंनी २ सत्संग आणि १ बालसंस्कार वर्ग गावामध्ये चालू करण्याची विनंती केली. कार्यक्रमाचा लाभ नागेवाडी आणि पंचक्रोशीतील १०० हून अधिक जिज्ञासूंनी घेतला. कार्यक्रमस्थळी सनातन संस्थेच्या वतीने प्रकाशित करण्यात आलेले ग्रंथ, तसेच सनातन निर्मित सात्त्विक वस्तूंचे प्रदर्शन लावण्यात आले होते. यालाही जिज्ञासूंचा उत्स्फूर्त प्रतिसाद लाभला.
