हिंदु राष्ट्र स्थापनेच्या कार्यात योगदान द्या ! – सद्गुरु नंदकुमार जाधव, धर्मप्रचारक, सनातन संस्था

धुळे येथे ‘हिंदु राष्ट्र संघटक कार्यशाळा’ उत्साहपूर्ण वातावरणात पार पडली

धुळे – धर्मकार्य करायचे असेल, तर साधनेने आध्यात्मिक बळ निर्माण करण्याची आवश्यकता आहे. साधनेचे अनेक मार्ग आहेत. त्यांपैकी ‘गुरुकृपायोग’ हा ईश्‍वरप्राप्तीसाठीचा विहंगम मार्ग आहे. ‘गुरुकृपा संपादन करण्यासाठी प्रत्येकाने गुरूंना अपेक्षित अशा हिंदु राष्ट्र स्थापनेच्या कार्यात स्वतःचे योगदान द्यायला हवे’, असे आवाहन सनातन संस्थेचे धर्मप्रचारक सद्गुरु नंदकुमार जाधव यांनी केले. ते कार्यशाळेच्या प्रथम उद्बोधन सत्रात ‘आनंदप्राप्तीसाठी साधना’ या विषयावर बोलत होते. हिंदूसंघटन आणि हिंदुत्वनिष्ठांमध्ये कुटुंबभावना निर्माण करणे अशा उद्देशाने येथील ‘श्रीकृष्ण रिसॉर्ट’मध्ये एक दिवसाची ‘हिंदु राष्ट्र संघटक कार्यशाळा’ घेण्यात आली. या कार्यशाळेस श्रीकृष्ण रिसॉर्टचे मालक श्री. कल्पेश अग्रवाल, तसेच हिंदु जनजागृती समितीचे महाराष्ट्र आणि छत्तीसगड राज्य संघटक श्री. सुनील घनवट उपस्थित होते.

शंखनाद करून कार्यशाळेला प्रारंभ झाला. वेदमूर्ती श्री. कुणाल देशपांडेगुरुजी यांनी वेदमंत्रपठण केले. सनातन संस्थेचे धर्मप्रचारक सद्गुरु नंदकुमार जाधव यांच्या हस्ते दीपप्रज्वलन करून कार्यशाळेचे उद्घाटन करण्यात आले.

संदर्भ : दैनिक सनातन प्रभात