चेन्नई – कांची कामकोटी पीठाचे जगद्गुरु शंकराचार्य श्री विजयेंद्र सरस्वती यांच्या शुभहस्ते सनातन संस्थेच्या तमिळ भाषेतील संकेतस्थळाचे उद्घाटन नुकतेच झाले. या वेळी हिंदु जनजागृती समितीचे राष्ट्रीय प्रवक्ते श्री. रमेश शिंदे, समितीचे श्री. प्रभाकरन् आणि सनातन संस्थेचे श्री. जयकुमार उपस्थित होते. श्री. रमेश शिंदे यांनी कांचीपुरम् येथे शंकराचार्य श्री.विजयेंद्र सरस्वती यांची भेट घेऊन समिती आणि सनातन संस्था यांचे कार्य विस्ताराने सांगितले. या वेळी शंकराचार्यांना कांची कामकोटी पीठाचे दिवंगत जगद्गुरु शंकराचार्य श्री जयेंद्र सरस्वती यांच्या श्रद्धांजलीचे सचित्र वृत्त असलेला पाक्षिक इंग्रजी सनातन प्रभातचा अंक भेट देण्यात आला. या वेळी शंकराचार्यांनी समितीच्या कार्यकर्त्यांना आशीर्वाद आणि प्रसाद दिला.
तमिळ भाषेतील संकेतस्थळाची मार्गिका https://www.sanatan.org/tamil
