सनातनच्या ग्रंथांचे प्रदर्शन आपल्या क्षेत्रात आयोजित करून अध्यात्मप्रसाराच्या कार्यात सहभागी व्हा !

सर्व वाचक, हितचिंतक आणि धर्मप्रेमी यांना नम्र विनंती

‘अध्यात्मशास्त्र आचरणात आणून मानवजातीचे कल्याण व्हावे’, या उद्देशाने सच्चिदानंद परब्रह्म डॉ. आठवले यांनी अध्यात्म, साधना, देवतांची उपासना, संस्कृतीचे आचरण, आध्यात्मिक स्तरावरील उपाय, ईश्वरप्राप्तीसाठी कला, तसेच राष्ट्ररक्षण, धर्मजागृती, हिंदु राष्ट्र यांसारख्या विविधांगी विषयांवर ३६९ ग्रंथांचे संकलन केले आहे. नोव्हेंबर २०२५ पर्यंत सनातनने ग्रंथांच्या १३ भाषांमध्ये १ कोटी १ लाख ७१ सहस्र प्रती प्रकाशित केल्या आहेत. अध्यात्मशास्त्राच्या प्रचारासाठी या ग्रंथांची प्रदर्शने भारतभरात अनेक ठिकाणी नियमितपणे लावली जातात.

आपणही पुढील प्रसंगी सनातनच्या ग्रंथांच्या प्रदर्शनाचे आयोजन करून या अध्यात्मप्रसाराच्या कार्यात सहभागी होऊ शकता.

१. आपल्या परिसरातील किंवा आपण जोडलेले असाल, अशा मंदिरांतील सण, उत्सव किंवा यात्रा.

२. विवाह, मुंज, वाढदिवस यांसारखे कौटुंबिक कार्यक्रम

३. राष्ट्र-धर्माशी संबंधित उपक्रम

४. कीर्तन, प्रवचन, व्याख्यान किंवा सभा इत्यादी

५. आपल्या भागातील होणारी पुस्तक संमेलने (बूक फेअर)

आपल्यालाही असे ग्रंथप्रदर्शन आयोजित करायचे असल्यास त्यासाठी आपण जिल्ह्यातील सनातनच्या साधकांना संपर्क करू शकता. आपल्या मागणीनुसार सनातन संस्थेचे साधक त्या त्या ठिकाणी ग्रंथप्रदर्शन आयोजित करू शकतात. आपण अशी ग्रंथप्रदर्शने आयोजित केल्यास सनातन धर्मातील अध्यात्माचा प्रचार-प्रसार होणार आहे !

– श्रीसत्‌शक्ति (सौ.) बिंदा नीलेश सिंगबाळ