गंगामातेच्या रक्षणासाठी निःस्वार्थपणे काम करणारे प्रयागराज (उत्तरप्रदेश) येथील अधिवक्ता अरुणकुमार गुप्ता ‘सनातन धर्मश्री’ पुरस्काराने सन्मानित !

प्रयागराज (उत्तरप्रदेश) – १७ ते १९ मे २०२५ या कालावधीत गोव्यातील फोंडा येथे आयोजित ‘सनातन राष्ट्र शंखनाद महोत्सवा’त सनातन संस्थेने हिंदु धर्म आणि राष्ट्र यांच्या रक्षणासाठी विशेष कार्य करणार्‍यांना ‘हिंदु राष्ट्ररत्न’ आणि ‘सनातन धर्मश्री’ पुरस्कार देण्याची घोषणा केली होती. त्यापैकी ‘गंगारत्न’ अधिवक्ता अरुणकुमार गुप्ता (आध्यात्मिक पातळी ६१ टक्के) यांना हिंदु जनजागृती समितीचे धर्मप्रचारक सद्गुरु नीलेश सिंगबाळ यांनी त्यांच्या निवासस्थानी जाऊन ‘सनातन धर्मश्री’ पुरस्कार देऊन सन्मानित केले. या वेळी त्यांच्या पत्नी अधिवक्ता सरिता सिंह याही उपस्थित होत्या.

ध्येय ठेवून तळागाळात काम करणारी एकमेव सनातन संस्था ! – अधिवक्ता अरुणकुमार गुप्ता

सच्चिदानंद परब्रह्म डॉ. आठवले यांचे मी पुष्कळ आभार मानतो आणि त्यांना वंदन करतो. मी त्यांचा नेहमीच ऋणी राहीन. मी अनेक संस्थांमध्ये काम केले आहे; परंतु सनातन संस्था ही एकमेव संस्था आहे, जी स्वतःचे ध्येय ठेवून प्रामाणिकपणे काम करत आहे. गोव्यात आयोजित ‘सनातन राष्ट्र शंखनाद महोत्सवा’ला समाजाचा मिळालेला प्रतिसाद आणि ‘सनातन राष्ट्रा’च्या संकल्पनेला मिळालेला पाठिंबा यांमुळे मी पुष्कळ आनंदी आहे. हा कार्यक्रम अतिशय कौतुकास्पद होता आणि येत्या काळात तो निश्चितच मैलाचा दगड बनेल. ‘सच्चिदानंद परब्रह्म डॉ. आठवले यांचे हिंदु राष्ट्राचे स्वप्न लवकरात लवकर पूर्ण व्हावे’, अशी मी देवाला प्रार्थना करतो. त्यासाठी आपण सर्व हिंदूंनी एकत्र येणे आवश्यक आहे.