पुणे येथील सनातनचे साधक श्री. रवींद्र गोंधळेकर (वय ८० वर्षे) आणि श्रीमती वर्षा भिडे (वय ७३ वर्षे) संतपदी विराजमान !

पू. रवींद्र गोंधळेकर

पुणे – सनातनचे साधक श्री. रवींद्र गोंधळेकर (वय ८० वर्षे) हे सनातन संस्थेचे १३४ व्या व्यष्टी संतपदी, तर साधिका श्रीमती वर्षा भिडे (वय ७३ वर्षे) या सनातन संस्थेच्या १३५ व्या व्यष्टी संतपदी विराजमान झाल्याची घोषणा पुणे येथे पार पडलेल्या एका आनंददायी सोहळ्यात करण्यात आली. याच वेळी हिंदुत्वनिष्ठ डॉ. नीलेश लोणकर यांनी ६१ टक्के आध्यात्मिक पातळी गाठल्याचीही घोषणा करण्यात आली. सनातन संस्थेच्या धर्मप्रचारक सद्गुरु स्वाती खाडये यांनी पुणे येथील सातारा रस्ता येथे झालेल्या एका अनौपचारिक सोहळ्यात ही आनंदवार्ता सर्वांना दिली.

हिंदुत्वनिष्ठ डॉ. नीलेश लोणकर यांनी गाठली ६१ टक्के आध्यात्मिक पातळी

या प्रसंगी सनातन संस्थेच्या संत पू. (सौ.) मनीषा पाठक, तसेच पू. रवींद्र गोंधळेकर, पू. श्रीमती वर्षा भिडे आणि डॉ. नीलेश लोणकर यांचे कुटुंबीय अन् काही साधक उपस्थित होते. ही आनंदवार्ता कळाल्यानंतर सर्व साधकांची भावजागृती झाली. या सोहळ्याच्या माध्यमातून श्री गणेशाने श्री गणेशचतुर्थीचा कृपाप्रसादच दिल्याचे सर्व साधकांनी अनुभवले.

सविस्तर वृत्त लवकरच प्रसिद्ध करत आहोत…