தத்த நாமஜபம் – ஸ்ரீ குருதேவ தத்த

பகவான் ஸ்ரீ தத்தாத்ரேயர்

ஸ்ரீ குருதேவ தத்த நாமஜப-படிவம்

1. காக்கும் மற்றும் அழிக்கும் நாமஜபம்

தெய்வங்களின் நாமஜபங்களை செய்வதே கலியுகத்தில் மிகவும் சுலபமான வழியாகும். தெய்வங்களுக்கு ‘காக்கும் ரூபம்’, ‘அழிக்கும் ரூபம்’ என இரு ரூபங்கள் உள்ளன. பக்தர்களுக்கு ஆசீர்வாதம் வழங்கும் ரூபமே ‘காக்கும் ரூபமாகும்’ மற்றும் அசுரர்களை அழிக்கும் ரூபமே தெய்வத்தின் ‘அழிக்கும் ரூபமாகும்’. இதிலிருந்து நம் கவனத்திற்கு வருவது என்னவென்றால், தெய்வத்தின் காக்கும் ரூபத்துடன் சம்பந்தப்பட்ட நாமஜபமே ‘காக்கும்’ நாமஜபமாகும் மற்றும் தெய்வத்தின் அழிக்கும் ரூபத்துடன் சம்பந்தப்பட்ட நாமஜபமே அதன் ‘அழிக்கும்’ நாமஜபமாகும்.

2. தெய்வத்தின் ‘காக்கும்’ நாமஜபத்தின் மகத்துவம்

தெய்வத்தின் காக்கும் நாமஜபத்தை செய்வதால் சைதன்யம், ஆனந்தம் மற்றும் சாந்தி ஆகிய அனுபூதிகள் கிடைக்கின்றன மற்றும் தெய்வத்திடம் ஸாத்வீகமான ஆன்மீக உணர்வும் நிர்மாணமாகிறது. தீய சக்திகளின் கஷ்டங்களிலிருந்து பாதுகாப்பு பெற தெய்வத்தின் காக்கும் ரூபத்தின் நாமஜபம் அவசியமாகும்.

3. தெய்வத்தின் ‘அழிக்கும்’ நாமஜபத்தின் மகத்துவம்

அழிக்கும் நாமஜபத்தை செய்யும்போது தெய்வத்திடமிருந்து வெளிப்படும் சக்தி மற்றும் சைதன்யத்தை க்ரஹிக்க முடிகிறது. அத்துடன் சூட்சுமத்தில் தீய சக்திகளை விரட்டி அடிக்க தெய்வத்தின் அழிக்கும் ரூபத்தின் நாமஜபம் அவசியமாகும்.

4. ஸ்ரீ தத்த குருவின் நாமஜபத்தை எவ்வாறு செய்ய வேண்டும்?

நாமஜபத்தின் மூலம் தெய்வ தத்துவத்தின் அதிகபட்ச பலனைப் பெற அந்தந்த நாமஜபத்தின் உச்சாரணம் சரியானபடி இருத்தல் அவசியமாகிறது. அதற்கு ‘ஸ்ரீ குருதேவ தத்த’ என்ற நாமஜபத்தை எவ்வாறு செய்வது என்பதைத் தெரிந்து கொள்வோம் வாருங்கள்.

‘ஸ்ரீ குருதேவ தத்த’ என்ற காக்கும் நாமஜபத்தை செய்யும்போது ஸ்ரீ தத்த  குருவின் ரூபத்தை மனக்கண் முன் கொண்டு வர வேண்டும் மற்றும் நம்முடைய மூதாதையர்களால் ஏற்படும் கஷ்டங்களிலிருந்து நம்மை ரக்ஷிக்க அவர் ஓடி வருகிறார் என்ற ஆன்மீக உணர்வைக் கொண்டு நாமஜபத்திலுள்ள ஒவ்வொரு அக்ஷரத்தையும் ஆன்மீக உணர்வு பூர்வமாக உச்சரிக்கவும்.

இதற்கு மாறாக அழிக்கும் நாமஜபத்தை செய்யும்போது ‘ஸ்ரீ குருதேவ தத்த’ என்பதிலுள்ள ஒவ்வொரு அக்ஷரத்தையும் அழிக்கும் நிலையில் உச்சரிக்கவும். அப்பொழுது தெய்வத்தின் நாமத்தில், அதாவது ‘தத்த’ என்ற வார்த்தையின் ஆரம்பத்தில் வரும்  ‘த’ என்ற அக்ஷரத்தில் அதிக அழுத்தம் அளிக்கவும்.

5. அவரவர் இயல்பிற்கேற்ப காக்கும் அல்லது
அழிக்கும் சக்தி நாமஜபத்தை செய்வது சிறந்தது 

அவரவர் இயல்பிற்கேற்ப காக்கும் அல்லது அழிக்கும் நாமஜபத்தை செய்வதால் அவரவருக்கு அந்த தெய்வ தத்துவத்தின் பயன் அதிகம் கிடைக்கிறது.

கீழே கொடுக்கப்பட்டுள்ள காக்கும் மற்றும் அழிக்கும் நாமஜபத்தை சிறிது நேரம் செய்து பார்க்கவும். எந்த நாமஜபத்தில் மனம் அதிகம் லயிக்கிறதோ அதை செய்யவும். ஸாதனை செய்யாத எவரும் காக்கும் மற்றும் அழிக்கும் சக்தி நாமஜபத்தை செய்து பார்த்து எது அவர்களுக்குப் பிடிக்கிறதோ அதை தொடர்ந்து செய்து வரலாம்.

6. காலத்திற்கேற்றபடி காக்கும் மற்றும் அழிக்கும் நாமஜபத்தின் மகத்துவம் 

எந்த விஷயத்தையும் காலத்திற்கேற்றபடி செய்யும்போது அதிக பயன் ஏற்படுகிறது. காலத்திற்கேற்றபடி இன்று தெய்வங்களின் காக்கும் மற்றும் அழிக்கும் தத்துவம் எம்முறையில் நாமஜபம் செய்தால் அதிக பலன் கிடைக்கும் என்பது பயிலப்பட்டு ஒலிப்பதிவு செய்யப்பட்டுள்ளது. இதற்கு பராத்பர குரு டாக்டர் ஜெயந்த் பாலாஜி ஆடவலே அவர்களின் வழிகாட்டுதலின்படி பல பிரயோகங்கள் செய்யப்பட்டன. அதிலிருந்து நாமஜபம் தயார் செய்யப்பட்டுள்ளது. இது போன்று நாமஜபம் செய்வதன் மூலம் காலத்திற்கு அவசியமான ஸ்ரீ தத்த குருவின் காக்கும் மற்றும் அழிக்கும் தத்துவம், அவரவரின் ஆன்மீக உணர்வுக்கேற்ப கிடைப்பது சுலபமாக இருக்கும்.

சமூகத்திலுள்ள 90 சதவிகித மனிதர்கள் ஆன்மீக உணர்வுபூர்வமாக நாமஜபம் செய்வதில் விருப்பம் உள்ளவர்கள். இருந்தாலும் மீதியுள்ள அழிக்கும் சக்தி நாமஜபத்தில் விருப்பம் கொண்ட 10 சதவிகித மக்களும் பயனடைய வேண்டும் என்பதற்காக இருவகை நாமஜபங்களின் ஒலிநாடாக்களும் வழங்கப்பட்டுள்ளன.

இந்த நாமஜபம் பற்றிய விஷயங்களை உங்களின் உறவினர்கள், நண்பர்கள், நெருங்கியவர்கள் ஆகியோரிடம் பகிர்ந்து கொள்ளுங்கள். அவர்களும் இதன் மூலம் பயனடையட்டும்.

ஸாதகர்கள், ‘தினசரி ஸனாதன் பிரபாத்’தில் வெளியிட்டுள்ளபடி ‘ஓம் ஓம் ஸ்ரீ குருதேவ தத்த ஓம் ஓம்’ நாமஜபத்தை செய்யவும்.

– குமாரி தேஜல் பாத்ரிகர், ஸங்கீத விஷாரத், ஸங்கீதத் துறை  ஒருங்கிணைப்பாளர், மகரிஷி ஆன்மீக பல்கலைகழகம், ராம்நாதி, கோவா.

‘ஸனாதனின் சைதன்யவாணி; என்ற மொபைல் ஆப்-பிலும் இந்த நாமஜபங்கள் உள்ளன. 

இந்த நாமஜபத்தைக் கேட்கும்போது சில சிறப்பு அனுபவங்கள் கிடைக்கப் பெற்றால் அவசியம் எங்களிடம் பகிர்ந்து கொள்ளுங்கள். பகிர்ந்து கொள்ள வேண்டிய இணையதள முகவரி  [email protected]

தத்த நாமஜபத்தைக் கேட்கவும்

“ஸ்ரீ குருதேவ தத்த” காக்கும் நாமஜபம்

 “ஸ்ரீ குருதேவ தத்த” அழிக்கும் நாமஜபம்

“ஓம் ஓம் ஸ்ரீ குருதேவ தத்த ஓம் ஓம்” காக்கும் நாமஜபம்

 “ஓம் ஓம் ஸ்ரீ குருதேவ தத்த ஓம் ஓம்” அழிக்கும் நாமஜபம்

  • தீய சக்திகள் : சூழலில் நல்ல மற்றும் தீய சக்திகள் செயல்பாட்டில் உள்ளன. நல்ல சக்திகள் நல்ல காரியங்களுக்காக மக்களுக்கு உதவுகின்றன, அதேபோல் தீய சக்திகள் கஷ்டங்களைத் தருகின்றன. புராதன காலத்தில் ரிஷி-முனிவர்களின் யாகங்களில் பல ராக்ஷசர்கள் தடங்கல்களை ஏற்படுத்தினர் என்ற விஷயம் நம் புராணங்களில் காணக் கிடைக்கின்றன. அதர்வ வேதத்தில் பல இடங்களில் தீய சக்திகள், உதாரணத்திற்கு, அசுரர், ராக்ஷசர்கள், பிசாசுகள் அவற்றுடன் கரணி, பானாமதி ஆகியவற்றைக் கட்டுப்படுத்த மந்திரங்கள் தரப்பட்டுள்ளன. தீய சக்திகளின் கஷ்டங்களிலிருந்து விடுபட பல்வேறு ஆன்மீக உபாயங்களையும் வேதம் போன்ற தர்மகிரந்தங்கள் கூறியுள்ளன.
  • சூட்சுமம் : மனிதனின் ஸ்தூல சரீரம் என்பது நேரிடையாக தெரியும் கண், மூக்கு, காது, நாக்கு, தோல் ஆகிய பஞ்ச ஞானேந்த்ரியங்கள் ஆகும். இந்த பஞ்ச ஞானேந்த்ரியங்கள், மனம், புத்தி ஆகியவற்றிற்கு அப்பாற்பட்டதே சூட்சுமம் ஆகும். ஆன்மீக முன்னேற்றம் அடையப் பெற்ற சிலருக்கு இந்த சூட்சும அதிர்வலைகளை உணர முடியும். இந்த சூட்சும ஞான விஷயம் பற்றி பல தர்மகிரந்தங்களில் குறிப்புகள் வருகின்றன.
  • இதில் குறிப்பிடப்பட்டுள்ள அனுபூதிகள், ‘ஆன்மீக உணர்வு உள்ள இடத்தில் ஆண்டவன்’ என்ற உக்திக்கேற்ப கிடைத்த அனுபூதிகளாகும். இவை எல்லோருக்கும் கிடைக்கும் என்பது அவசியமில்லை. – தொகுத்தவர் 

Leave a Comment