സാധകരേ, കാലാനുസൃതമായ സാധനയായും 'രാമരാജ്യം' സ്ഥാപിക്കുന്നതിനായും ‘ശ്രീരാമ ജയ രാമ ജയ ജയ രാമ’ എന്ന നാമം നിത്യവും ജപിക്കുക !

1. 1999 മുതൽ സാധകർ പ്രധാനമായും അനുഷ്ഠിച്ചു വരുന്ന വ്യക്തിഗത സാധന (വ്യഷ്ടി സാധന) :

1 A. കുലദേവതയുടെ ജപം : ഇത് പരമാവധി സമയം ചെയ്യുക. പ്രാരബ്ധ കർമ്മങ്ങളുടെ തീവ്രത കുറയ്ക്കാൻ ഈ ജപം സഹായിക്കുന്നു.

1 B. ദത്താത്രേയ ഭഗവാൻ്റെ ജപം – ‘ശ്രീ ഗുരുദേവ് ദത്ത്’ : പിതൃദോഷം കാരണമുള്ള പ്രയാസങ്ങളുടെ തീവ്രത അനുസരിച്ച് 3 മുതൽ 9 മാല വരെ ജപിക്കുക. പിതൃദോഷം കുറയ്ക്കാൻ ഇത് സഹായിക്കുന്നു.

2. 2010 മുതൽ സമഷ്ടി സാധന (സമൂഹത്തിനായുള്ള സാധന) ചെയ്യുന്നവർക്കുള്ള ജപം

2010-ൽ, സമഷ്ടി സാധന ചെയ്യുന്നവർ ‘ഓം നമോ ഭഗവതേ വാസുദേവായ ।’ എന്ന നാമജപം പരമാവധി സമയം ചെയ്യണമെന്ന് നിർദ്ദേശിച്ചിരുന്നു.

3. 2021-ൽ നിർദ്ദേശിച്ച ജപം

2021-ൽ ‘നിർവിചാർ’ (ചിന്താശൂന്യമായ അവസ്ഥയ്ക്കായുള്ളത്) എന്ന നാമജപം ചെയ്യാൻ നിർദ്ദേശിച്ചിരുന്നു.

4. 2026-ലെ മഹാശിവരാത്രി മുതൽ വ്യക്തിഗതവും സാമൂഹികവുമായ സാധനയ്ക്കായി ചെയ്യേണ്ട നാമജപം

‘ഇപ്പോൾ മൂന്നാം ലോക മഹായുദ്ധത്തിൻ്റെ കാലം അടുത്തിരിക്കുന്നതിനാൽ, അതിൽ നമ്മെ സംരക്ഷിക്കുന്നതിനും ഭാവിയിൽ ‘രാമരാജ്യം’ സ്ഥാപിക്കുന്നതിനുമായി ‘ശ്രീരാമ ജയ രാമ ജയ ജയ രാമ’ എന്ന ജപം കുറഞ്ഞത് 10 മാലയും പരമാവധി സാധിക്കുന്നത്രയും ചെയ്യേണ്ടതാണ്. ഇതോടൊപ്പം ദിവസത്തിൽ ഒരിക്കൽ രാമരക്ഷാ സ്തോത്രവും ഹനുമാൻ ചാലിസയും അർത്ഥം മനസ്സിലാക്കി ഭക്തിപൂർവ്വം പാരായണം ചെയ്യുക. ഈ നാമജപം മൂന്നാം ലോകമഹായുദ്ധം കഴിഞ്ഞ് രാമരാജ്യം സ്ഥാപിക്കപ്പെടുന്നത് വരെ തുടരേണ്ടതാണ്.’ – സച്ചിദാനന്ദ പരബ്രഹ്മ ഡോ. ജയന്ത് ആഠവലെ (31.1.2026)

5. മഹാശിവരാത്രി മുതൽ ഈ നാമജപം ആരംഭിക്കാനുള്ള കാരണം

‘ഭഗവാൻ ശിവൻ പോലും എപ്പോഴും രാമനാമം ജപിക്കുന്നു. അതിനാൽ അവിടുത്തെ അനുഗ്രഹത്തോടെ, കാലത്തിന് അനുയോജ്യമായ സാധന എന്ന നിലയിൽ നമ്മൾ ഈ നാമജപം ആരംഭിക്കുന്നു.’ – സച്ചിദാനന്ദ പരബ്രഹ്മ ഡോ. ജയന്ത് ആഠവലെ (31.1.2026)

ചില നിർദ്ദേശങ്ങൾ :

1. വ്യക്തിഗത സാധനയുടെ (വ്യഷ്ടി) കാഴ്ചപ്പാടിൽ

1A. പുതിയ സാധകർക്കായി : പുതിയ സാധകർ കുലദേവത ജപം കുറഞ്ഞത് 1 മണിക്കൂറും ദത്താത്രേയ ജപം (3, 6, അല്ലെങ്കിൽ 9 മാല) പിതൃദോഷം അനുസരിച്ചും ചെയ്യണം. ബാക്കിയുള്ള സമയത്ത് ശ്രീരാമ നാമം ജപിക്കാവുന്നതാണ്.

1B. മറ്റു തടസ്സങ്ങൾ മാറ്റാൻ : അനിഷ്ട ശക്തികൾ കാരണം ഉണ്ടാകുന്ന പ്രയാസങ്ങൾക്കോ രോഗങ്ങൾക്കോ വേണ്ടി ‘പ്രാണശക്തി പ്രവാഹ രീതി’ അനുസരിച്ച് പ്രത്യേക ജപം നിർദ്ദേശിച്ചിട്ടുണ്ടെങ്കിൽ, അത് പൂർത്തിയാക്കിയ ശേഷം ബാക്കി സമയത്ത് ശ്രീരാമ ജപം ചെയ്യുക.

1C. രീതി : ഇരുന്നു ജപിക്കാൻ കഴിയാത്തവർക്ക് നടക്കുമ്പോഴോ ശാരീരിക സേവനങ്ങളിൽ ഏർപ്പെടുമ്പോഴോ ഈ ജപം ചെയ്യാം. എന്നാൽ സാധിക്കുമ്പോഴെല്ലാം 10 മാല ജപം ഇരുന്നുതന്നെ ചെയ്യാൻ ശ്രമിക്കണം.

2. സമഷ്ടി സാധനയുടെ കാഴ്ചപ്പാടിൽ

ശ്രീകൃഷ്ണ ജപമോ ‘നിർവിചാർ’ ജപമോ ചെയ്തിരുന്ന സാധകർ അത് നിർത്തി ഇപ്പോൾ ശ്രീരാമ ജപം ചെയ്യുക.

3. നേരത്തെ മഹർഷി നാഡി വായനയിൽ നിർദ്ദേശിച്ചതുപോലെ ‘ഹരേ രാമ ഹരേ രാമ രാമ രാമ ഹരേ ഹരേ । ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ ।’ എന്ന ജപം 108 തവണ ദിവസവും ചെയ്യണം.

4. പൂജാമുറിയിൽ ശ്രീരാമനോടൊപ്പം ഹനുമാൻ്റെയും പടം വച്ച് പൂജിക്കുക : ‘ശ്രീരാമനും ഹനുമാനും ഒരേ നാണയത്തിൻ്റെ രണ്ടു വശങ്ങൾ പോലെയാണ്. അതിനാൽ ശ്രീരാമ ആരാധനയിൽ ഹനുമാനും സ്ഥാനമുണ്ട്. രാമരക്ഷാ സ്തോത്രത്തിലും ഹനുമാനെ പരാമർശിക്കുന്നുണ്ട്. ഇതിനായി പൂജാമുറിയിൽ ശ്രീരാമൻ്റെ ചിത്രമോ വിഗ്രഹമോ ഉണ്ടെങ്കിൽ അതിനോടൊപ്പം ഹനുമാൻ്റെ ചിത്രമോ വിഗ്രഹമോ വച്ച് നിത്യവും ആരാധിക്കുക.’