ಹಿಂದೂಗಳೇ, ಪ್ರತಿಕಾರ ಸಕ್ಷಮರಾಗಿ !

‘ದಸರಾ ಎಂದರೆ ವಿಜಯದಶಮಿ ! ಈ ದಿನವು ಕೇವಲ ಸಾಂಪ್ರದಾಯಿಕ ಸಿಹಿ ಅಡುಗೆಗಳನ್ನು ತಿನ್ನುವ ಅಥವಾ ಬನ್ನಿ ಎಲೆಗಳನ್ನು ಹಂಚಿ ತಾತ್ಕಾಲಿಕ ಆನಂದವನ್ನು ಆಚರಿಸುವ ದಿನವಲ್ಲ, ಬದಲಿಗೆ ಇದು ಅಧರ್ಮದ ಮೇಲೆ ಧರ್ಮದ ಮತ್ತು ಅನ್ಯಾಯದ ಮೇಲೆ ನ್ಯಾಯದ ವಿಜಯದ ಉತ್ಸವವಾಗಿದೆ. ಪ್ರಭು ಶ್ರೀರಾಮನು ರಾವಣನನ್ನು ವಧಿಸಿ ಇದೇ ದಿನ ಧರ್ಮಧ್ವಜವನ್ನು ಹಾರಿಸಿದನು, ಮಹಿಷಾಸುರಮರ್ದಿನಿ ದುರ್ಗಾದೇವಿಯು ಇದೇ ದಿನ ದುಷ್ಟ ಶಕ್ತಿಗಳನ್ನು ಸಂಹಾರ ಮಾಡಿದಳು ಮತ್ತು ಛತ್ರಪತಿ ಶಿವಾಜಿ ಮಹಾರಾಜರು ಸ್ವರಾಜ್ಯದ ಗಡಿಗಳನ್ನು ವಿಸ್ತರಿಸಲು ಇದೇ ಮುಹೂರ್ತದಲ್ಲಿ ‘ಸೀಮೋಲ್ಲಂಘನ’ ಮಾಡಿದ್ದರು. ಇಂದು ಈ ಶೌರ್ಯದ ಇತಿಹಾಸವನ್ನು ಸ್ಮರಿಸುವುದು ಅಗತ್ಯವಾಗಿದೆ.
ಪ್ರಸ್ತುತ ‘ಪೆಟ್ಟು ತಿನ್ನುವವನೇ ಹಿಂದೂ’ ಎಂಬಂತೆ ಹಿಂದೂಗಳ ಅತ್ಯಂತ ದೌರ್ಬಲ್ಯದ ವ್ಯಾಖ್ಯೆಯಾಗಿಬಿಟ್ಟಿದೆ. ನೆರೆಹೊರೆಯ ದೇಶಗಳಲ್ಲಿ ಅಲ್ಪಸಂಖ್ಯಾತ ಹಿಂದೂಗಳ ಮೇಲೆ ನಡೆಯುವ ದೌರ್ಜನ್ಯಗಳಾಗಿರಲಿ ಅಥವಾ ದೇಶದೊಳಗೆ ವಿವಿಧ ಕಾರಣಗಳಿಗಾಗಿ ಹಿಂದೂಗಳ ಮೆರವಣಿಗೆಗಳ ಮೇಲೆ ನಡೆಯುವ ದಾಳಿಗಳಾಗಿರಲಿ, ಅನೇಕ ಬಾರಿ ಹಿಂದೂ ಸಮಾಜವು ಕೇವಲ ಮೌಖಿಕ ಪ್ರತಿಕ್ರಿಯೆ ನೀಡುವ ಅಥವಾ ಹಾನಿಯನ್ನು ಸಹಿಸಿಕೊಳ್ಳುವ ಸಮಾಜವಾಗಿ ಉಳಿದುಬಿಡುತ್ತದೆ. ಹಿಂದೂಗಳೇ, ಇದನ್ನು ನೆನಪಿನಲ್ಲಿಡಿ, ಅನ್ಯಾಯವನ್ನು ಸಹಿಸಿಕೊಳ್ಳುವುದು ಧರ್ಮದ ಲಕ್ಷಣವಲ್ಲ, ಬದಲಿಗೆ ದೌರ್ಬಲ್ಯದ ಲಕ್ಷಣವಾಗಿದೆ. ಪ್ರತಿ ಬಾರಿಯೂ ದಾಳಿಯಾದ ನಂತರ ಶೋಕ ವ್ಯಕ್ತಪಡಿಸುವುದು ಅಥವಾ ಕೇವಲ ಮೌನ ಮೆರವಣಿಗೆಗಳನ್ನು ಮಾಡುವುದು ಸಾಕೇ? ಇದರ ಬಗ್ಗೆ ಅಂತರ್ಮುಖರಾಗಿ ಆಲೋಚಿಸಿ!
ಹಿಂದೂಗಳೇ, ವಿಜಯದಶಮಿಯು ಸೀಮೋಲ್ಲಂಘನದ ಸಂಕೇತವಾಗಿದೆ. ಇಂದಿನ ಸೀಮೋಲ್ಲಂಘನ ಎಂದರೆ ಹಿಂದೂ ಸಮಾಜವು ಕೀಳರಿಮೆ ಮತ್ತು ಪರಾಜಯದ ಮನೋಭಾವದ ಗಡಿಗಳನ್ನು ದಾಟಿ ಆತ್ಮಸಮ್ಮಾನ ಹಾಗೂ ಶೌರ್ಯವನ್ನು ಅಂಗೀಕರಿಸಿಕೊಳ್ಳುವುದಾಗಿದೆ. ಪ್ರತಿಯೊಬ್ಬರಿಗೂ ತಮ್ಮ, ತಮ್ಮ ಕುಟುಂಬದ ಮತ್ತು ಆಸ್ತಿಯ ರಕ್ಷಣೆಯ ಮೂಲಭೂತ ಹಕ್ಕನ್ನು ಕಾನೂನು ನೀಡಿದೆ ಎಂಬುದನ್ನು ನೆನಪಿನಲ್ಲಿಡಿ ಮತ್ತು ಮುಂಬರುವ ಭೀಕರ ಕಾಲದಲ್ಲಿ ತಮ್ಮ ಹಾಗೂ ತಮ್ಮ ಕುಟುಂಬದ ರಕ್ಷಣೆಗಾಗಿ ಪ್ರತಿಕಾರ ಸಕ್ಷಮರಾಗಿ !’
– (ಸಚ್ಚಿದಾನಂದ ಪರಬ್ರಹ್ಮ) ಡಾ. ಜಯಂತ ಆಠವಲೆ, ಸಂಸ್ಥಾಪಕರು, ಸನಾತನ ಸಂಸ್ಥೆ.
ವಿಜಯದಶಮಿಯ ಮಹತ್ವ ಹಾಗೂ ಮಹತ್ವದ ಪೂಜಾ ವಿಧಿಗಳು
ಕೊರೋನಾ ಮಹಾಮಾರಿಯಿಂದ ಉದ್ಭವಿಸಿರುವ ಸದ್ಯದ ಈ ಆಪತ್ಕಾಲದಲ್ಲಿ ನವರಾತ್ರ್ಯುತ್ಸವವನ್ನು ಹೇಗೆ ಆಚರಿಸಬೇಕು ?
ನವರಾತ್ರಿ : ವ್ಯಾಪಾರೀಕರಣ ಮತ್ತು ಸಂಭವಿಸಬಹುದಾದ ಅಪಾಯಗಳು !
ಪುರಾಣದ ಕಥೆಗಳಿಂದ ಗಮನಕ್ಕೆ ಬಂದಂತಹ ದೇವಿಯ ವಿವಿಧ ಗುಣವೈಶಿಷ್ಟ್ಯಗಳು
ನವರಾತ್ರಿಯ ವ್ರತಗಳು ಮತ್ತು ಪೂಜೆ