ఆధ్యాత్మిక శాస్రానుసారం, ఏ మతం వారైనా, ఏ సాధనా పద్ధతిని అవలంబించినా, 70% ఆధ్యాత్మిక స్థాయికి చేరుకున్న తరువాతే వారు సంతుమహాత్ములుగా పరిగణింపబడటానికి అర్హులు అవుతారు.

దేశమునకు, ధర్మమునకు అపాయం ఏర్పడినప్పుడు దైవ భక్తిలో  పరిపూర్ణంగా లీనమవ్వమని కాకుండా ఆధ్యాత్మిక సాధనలో భాగంగా దేశం-ధర్మం రక్షణకు క్రియాశీలురుగా ఎలా కావడం అని బోధించే వారే ఉత్తమమైన గురువులు.

గురు శిష్య పరంపర భారత దేశానికి ప్రత్యేకమైనది. కేవలం దీని వలననే ఎన్నో విదేశీ ఆక్రమణల తరువాత కూడా హిందూ ధర్మం కాల పరీక్షకు తట్టుకుని నిలబడి ఉంది.

గురుకృప మాధ్యమంగా జీవుడు శివుడితో అనుసంధానం జరుగుతుంది, దీనినే ‘గురుకృపాయోగము’ అని అంటారు.

గురువు మాత్రమే మన హృదయాలలో ఉంటూ మన చెయ్యి పట్టుకుని మనల్ని ఆధ్యాత్మిక సాధనా మార్గంలో నడిపిస్తారు. మన బాగోగులు చూసుకుంటారు.

మనకు తెలియని ఆధ్యాత్మిక ప్రపంచంలో మార్గం చూపే దీపం గురువు. ఏ రంగంలో అయినా మనకు మార్గం చూపే గురువు ఉండడం అనేది అమూల్యమైనది. ఇది ఆధ్యాత్మికతలో  కూడా వర్తిస్తుంది.

గురుపౌర్ణమి రోజున గురుతత్వము మిగతా రోజులతో పోలిస్తే వెయ్యి రెట్లు అధికంగా కార్యారతమై ఉంటుంది. కావున గురుపూర్ణిమ సందర్భంలో చేసిన సేవ మరియు త్యాగము యొక్క ఫలితం కూడా ఇతర రోజుల కంటే వెయ్యి రెట్లు అధికంగా ఉంటుంది; అందుచేత గురుపౌర్ణమి అనేది భగవద్‌కృపను పొందే అతి విలువైన అవకాశం